Mikrofilamèn

Saka Wikipédia Jawa, bauwarna mardika basa Jawa
Sitoskeleton aktin saka fibroblas embrio tikus kang dikeliri Fluorescein isothiocyanate-phalloidin

Mikrofilamen utawa filamen aktin ya iku péranganing rangka sel (sitoskeleton) kang wujud watang padhat kanthi diameter sakiwa-tengené 7 nm lan kasusun déning protéin aktin, ya iku sawijining protéin globular.[1] Mikrofilamen ada pada sel eukariot.[1] Béda karo penahan-tekanan (gaya tekan) mikrotubula, peran struktural mikrofilamen ing sitoskeleton ya iku kanggo nahan tegangan (gaya tarik).[1] Kanthi nggabung karo protéin liyané, mikrofilamen kerep mbentuk jalinan telung dhimènsi persis ing jero membran plasma, kang mbantu njurung wujud sel.[1] Jalinan iki mbentuk korteks (lapisan sitoplasma njaba) sel mau duwé kekentalan semipadat kaya jel, kang bedha karo kaanan sitoplasma kang jerone luwih encer (sol)[1]. Ing sel kéwan kang kaspesialisasi kanggo ngangkud materi ngiteri membran plasma, berkas mikrofilamen mbentuk inti mikrovili, panonjolan alus kang ningkatake amabane lumahing sel.[1] Mikrofilamen dikenal amarga peranne ing pergerakan sel kususe minangka pérangan piranti kontraksi sel otot.[1] Ewonan filamen aktin disusun sejajar siji lan sijiné ing sadawaning sel otot kang diselingi karo filamen kang luwih kandel kang dumadi saka protéin kang diarani miosin.[1] Anane kontraksi otot akibate mikrofilamen lan miosin kang saling mumbul ngliwati liyané, kang bakal dadekake endhek sel.[1]

Aktivitas mikrofilamen nyebabake pergerakan kaya aliran sitoplasma lan gerak ameboid (gerak sel tunggal protista, cendawan, lan kéwan kang nggunakaké protoplasmane kang mili metu saka sel kanggo mbentuk kaya kaki semu utawa pseudopod, banjur pérangan sel kang keri, maju ing arah pseudopod nganti ngasilaké gerak sel ing sawijining lumahan).[2] Mikrofilamen katon lumantar mikroskop fluoresensi kanthi bantuan antibodi antiaktin (diolihi lawan aktin ing kéwan) utawa kanthi analog fluoresen falotoksin (asalé saka cendawan Amanita phalloides), kang kanthi kas tinalen karo molekul aktin (utawa lir-aktin)).[2]

Uga delengen[besut | besut sumber]

Cathetan suku[besut | besut sumber]

  1. a b c d e f g h i Campbell NA, Reece JB, Mitchell LG. 2002. Biologi, Edisi Kelima, Jilid I. Jakarta: Erlangga. Hal:132-133, 126 ISBN 979-688-468-2
  2. a b Salisbury FB. Ross CW. 1995. Fisiologi Tumbuhan, Jilid Satu. pertalan Lukman DR, Sumaryono. Hal: 18-19. Bandung: Penerbit ITB. ISBN 979-8591-20-8