Masjid Gedhé Mataram
Masjid Gedhé Mataram yaiku salah sawijining masjid negara kang dibangun taun 1587 M déning Panembahan Senapati. Masjid kang manggon ana ing Kotagede Yogyakarta iki kalebu masjid negara nomer loro sawise Masjid Agung Demak.[1]
Sejarah
[besut | besut sumber]Masjid Gedhé Mataram wiwitané amung langgar kagungané Ki Ageng Pamanahan, nanging nalika Sutawijaya dadi raja kanthi gelar Panembahan Senapati langgar iki banjur didadekaké masjid. Masjid iki kagolong masjid negara kang nomer loro sawisé masjid Demak. Amarga sawisé Kasultanan Demak pindhah menyang Pajang, Sultan Hadiwijaya kang dadi raja durung kober nggawé masjid negara utawa masjid kraton. Merga umuré Kasultanan Pajang kang mung saumur jagung, wahyu keraton banjur pindhah menyang Mataram.[1]
Taun 1587 Masèhi masjid iki dibangun déning Panembahan Senapati, telung taun sawisé Ki Ageng Pamanahan séda. Saréyan Ki Ageng Pamanahan lan ibu Nyi Ageng Ngenis ana ing sakuloné Masjid Mataram. Nalika taun 1801 Panembahan Senapati séda lan digantèni déning Sunan Hanyokrowati utawa Panembahan Seda Krapyak. Ing taun 1613-1645 panguwasa Mataram dilenggahi déning Sultan Agung Hanyokrokusuma, punjering papréntahan pindhah menyang Kerta sakidulé Kotagede.