Marc Augé

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Marc Augé ya iku ahli antropologi saka Poitiers, Prancis kalairan 02 Sèptèmber 1935[1][2]. Augé naté kuliah ing École Normale Supérieure Ulm (1957-61), Agrégation de Lettres (1960), lan Licence de Sociologie, Sorbonne ing taun 1964. Dhèwèké uga olèh gelar Ph.D. saka Sorbonne-Universitas Paris ing taun 1967 lan Dhoktor ing taun 1973[2]. Panalitèn lapangané (field work) naté diayahi ana ing Pasisir Ivory (ing jangka wektu kang suwé, awit 1964 nganti 1970), Togo, (1970-85) Amérika Kidul lan Paris[1]. Tulisan-tulisané kang wis diterbitaké antarané ya iku Génie du pagonisme (Kamampuan Paganism) taun 1982, Non places. Introduction to an Anthropology of Supermodernity taun 1995, A Sense for the Other, The Timeliness and Relevance of Anthropology ing taun 1998,lan An Anthropology for Contemporaneous Worlds taun 1999. Augé sayektiné didhidhik saka èlmu sastra lan filosofi. Dhèwèké tembé olèh èlmu antropologi nalika nekani kuliah Georges Balandier ing ëcole Pratique des Hautes Études. Dhèwèké tembé ngalakoni lan ngecakaké spésialisasi panalitèn antropologi ing Afrika. Dhèwèké uga mbukak antropologi Perancis marang kajian dunya kontèmporèr, obyèk-obyèk anyar, lan panalitèn. Pisumbangané Augé iku ana ing antropologi visual, antropologi kedhokteran, lan bab kapercayan tradhisional[1].

Rujukan[besut | besut sumber]

  1. a b c Amit, Vered, (ed.) (2004). Biographical dictionary of social and cultural anthropology. London: Routledge. kk. 28–29. ISBN 020364459X. OCLC 436848672. 
  2. a b Gérald., Gaillard, (2004). The Routledge dictionary of anthropologists. London: Routledge. k. 313. ISBN 020349900X. OCLC 56606384.