Magna Graecia

Saka Wikipédia Jawa, bauwarna mardika basa Jawa
Koloni lan dhiyalèk Yunani kuna ing Itali kidul

Magna Graecia ("Yunani Agung" ing basa Latin, basa Yunani: Μεγάλη Ἑλλάς, basa Itali: Magna Grecia) iku jeneng kang dianggo wong Rum kanggo ngarani tlatah pasisir kidul Itali, kang ing dinané iki kaaran tlatah Campania, Apulia, Basilicata, Calabria, lan Sicilia. Biyèn, akèh wong neneka saka Yunani kang urip ing tlatah iku, mligi ing kutha Kroton lan Sybaris lan ing lor kutha Cumae lan Néapolis. Wong neneka iku wiwit ngalih saka Yunani menyang Itali nalika abad angka 8 SM kanthi nggawa adat Yunani kang prabawané ing Itali lan ing Rum kuna banjur dadi rada gedhé. Pujangga aran Ovid saka Rum ngarani Itali kidul minangka Magna Graecia ing karyané kang sesirah Fasti.