Ma'ruf Suroto
Ma'ruf Suroto (lair ing Magelang, 6 Juni 1967[1]) iku sawijining pulisi pawatesan. Dhèwèké nyambut gawé ing Sota, Merauke, Papuwa lan misuwur minangka wong sing bisa nentremaké pawatesan Indonésia lan Papuwa Nugini sing akèh konfliké.[2]
Babad slira[besut | besut sumber]
Ma'ruf Suroto lair ing Magelang taun 1967. Wiwit umur nem taun, Ma'ruf wis manggon ing Papuwa. Awaké diangkat ing Sota taun 1993. Nalika iku tlatah pawatesan isih suwung lan fasilitasé isih minim. Listrik waé kudu nganggo gènsèt. Dalanan ora diaspal lan tilpun waé ya ora ana. Nalika iku swasana aman, mèh ora ana kasus kadurjanan.
Mula Ma'ruf dadi tetanèn. Pakarangan ing omah dinesé sing dohé 300 mèter saka Polsèk Sota ditanduri manéka warna sayur lan woh-wohan. Awaké uga mbudidayakaké lélé ing blumbang. Dhèwèké banjur uga ngajari warga lokal carané tani, awit wong-wong lokal ètnis Papuwa kala kuwi carané urip mbeburu lan mbruwun.