Métro de Lyon
Métro de Lyon ing Lyon, Perancis dipunbikak kapisanan nalika taun 1978 lan sapunika sampun gadhah sekawan jalur. Jaringan punika minagka péranganing sistem angkudan publik Transports en Commun Lyonnais (TCL).
Kados déné SNCF, nanging boten kados sadaya sistem metro Perancis ingkang sanès (boten kalebet RER), kréta Lyon Metro lumampah ing rèl sisih kiwa, kasil saking proyèk ingkang boten kawujudaken kanggé nglamapahekn métro ing pinggiran kutha wonten ing jalur rèl ingkang sampun wonten. Ukuran terowonganipun inggih punika 2.90 méter, langkung ageng tinimbang rata-rata kanggé métro ing Éropah. Lyon Metro gadhah inspirasi piyambak tumrap Montreal Metro ing pundi dipunyasa sapérangan taun sadèrèngipun, lan gadhah gerbong kanthi rodha karét lan desain stasiun. Dawaning rèl sadayanipun inggih punika 30 km (18.75 mil), 80% rèlipun dumunung ing ngandhap lemah.[1]
Rute
[besut | besut sumber]
Sistem métro ngambah sekawan jalur, A-B-C-D, saben jalur dipuntandhani ing péta kanthi warni ingkang béda:
| Jalur | Warni | Dipunbikak | Ujung Terminal |
|---|---|---|---|
| A | Abrit | 1978 | Perrache-Laurent Bonnevay |
| B | Biru | 1978 | Charpennes-Stade de Gerland |
| C | Orange | 1981 | Hôtel de Ville-Cuire |
| D | Ijem | 1991 | Gare de Vaise-Gare de Vénissieux |
Jalur A lan B
[besut | besut sumber]Jalur A (Perrache-Laurent Bonnevay) lan B (Charpennes-Part-Dieu) dipunyasa migunakaken metode potong-lan-timbun, lan miwiti operasi tanggal 2 Mèi 1978. Kréta ing kekalih jalur lumampah kanthi roda karèt tinimbang migunakaken roda wesi.
Jalur B dipundawakaken dumugi Jean Macé tanggal 9 September 1981, lajeng dhateng Gerland tanggal 4 September 2000. Sawijining kerja dawakaken langkung tebih dhateng Oullins dipunjadwalaken dipunbikak taun 2013.
Sawijining pakaryan ndawakaken dhateng Vaulx-en-Velin La Soie ing Jalur A dipunjadwalaken dipunbikak ing September 2007.
Jalur C
[besut | besut sumber]Rèl Croix-Rousse-Croix-Paquet ing pundi dipundandani taun 1974, dipunusulaken kalebetaken dhateng Metro taun 1978 minangka jalur C, saking Hôtel-de-Ville dhateng Croix-Rousse. Dipuntindakaken dhateng Cuire tanggal 8 Dhésèmber 1984.
Jalur punika dipunyasa migunakaken metode ingkang béda; pendakian lumantar terowongan, pérangan rèl ing Croix-Rousse migunakaken potong-lan-timbun, déné pérangan ing wingking Hénon lumampah ing lumah lemah. Stasiun Croix Paquet ngeklaim piyambakipun minagka stasiun metro paling curam ing Éropah (17%).
Jalur D
[besut | besut sumber]Jalur D dipunbiwarakaken operasinipun tanggal 4 September 1991 antawising Gorge-de-Loup lan Grange-Blanche. Kréta kanthi roda karèt lumampah otomatis tanpa masinis, dipunkontrol déning sawijining sistem ingkang dipunsebut MAGGALY (Métro Automatique à Grand Gabarit de l'Agglomération Lyonnaise). Jalur punika dipuntambah dawakaken dhateng Gare de Vénissieux tanggal 11 Dhésèmber 1992, nalika samanten dipun-gantos dados operasi otomatis. Tanggal 28 April 1997, dipundawakaken malih dhateng Gare de Vaise.
Dados jalur paling jeo ing Lyon, konstruksinipun dipuntindakaken migunakaken TBM lan nyebrangi 2 kali, Rhône lan Saône. Kanthi dawa 13 km (8.12 mil), jalur D ugi minangka ingkang paling dawa ing sadaya jalur ing Lyon.[2]
Operasi
[besut | besut sumber]Lyon Metro, kados sistem angkudan publik lokal sanèsipun, dipunoperasikaken déning SLTC-Société lyonnaise de transports en commun (parusahan angkudan publik Lyon), ing ngandhap mèrek TCL-Transports en commun lyonnais (angkudan publik Lyon). Jaringan punika dipunoperasikaken saking SYTRAL-Syndicat de transports de l'agglomération lyonnaise (sindikat angkudan metropolitan Lyon), sawijining Syndicat Mixte.[3]
Cathetan suku
[besut | besut sumber]- ↑ http://www.tcl.fr/ Archived 2011-02-25 at the Wayback Machine. Transports en Commun Lyonnais (TCL)--Official Lyon public transportation site
- ↑ http://carto.metro.free.fr/metro-lyon/ Comprehensive map of the Lyon metro network
- ↑ http://www.urbanrail.net/eu/lyo/lyon.htm Archived 2009-04-26 at the Wayback Machine. Lyon Metro on UrbanRail.net