Liberation Tower

Saka Wikipédia Jawa, bauwarna bébas abasa Jawa
Menara Liberation Tower ing Kuwait.

Kuwait Liberaton Tower iku minangka salah sawjining menara utawa tower kang dadi kebanggaané nagara Kuwait lan minangka idhèntitas kang mbédakaké antarané Kuwait lan nagara Arab liyané. Liberation Tower wiwit dibangun tanggal 2 Agustus 1990, sadurungé Irak nyerang Kuwait kanthi jeneng Telecommunication Tower, amarga pancèn direncanakaké kanggo kantor Departemen Telekomunikasi Kuwait.

Bejané, yasan kang isih setengah dadi iki ora rusak nalika Irak nyerag Kuwait. Proyèk iki banjur diterusaké lan rampung taun 1993. Awit saka iku, tower iku dijenengi Liberation Tower, minangka simbol metuné Irak saka Kuwait ing taun 1991.

Panggonané Liberation Tower iku ana ing tengah-tengahing kutha Kuwait. Papané sisihan karo terminal bis ing Murgab. Supaya bisa tekan pucuking tower, dhéwé kudu nunggu tekan wayah dibukaké tower iku kanggo masarakat umum, ya iku sasi Fèbruari minangka sasi merdikané nagara kuwait. Émané, tower iki mung dibukak kanggo umum ing wektu seminggu thok. Dhuwuré Liberation Tower 372 m, matikel-tikel dhuwuré yèn dibandhingaké karo Monas kang mung 137 mèter.