Liam Gallagher

Saka Wikipédia Jawa, bauwarna bébas abasa Jawa
Liam Gallagher
Liam gallagher.jpg
Lair (1972-09-21) 21 Sèptèmber 1972 (umur 44)
Manchester, Inggris

William "John Paul" Gallagher utawi Liam Gallagher (lair 21 Sèptèmber 1972; umur 44 taun) ing Burnage, Manchester, inggih punika salah satunggalipun musisi lan pangripta lagu saking Inggris.[1] Panjenenganipun dados tetunggulipun band Oasis.[1] Ananging band-ipun William ingkang sapunika inggih punika Beady Eye.[1] Panjenenganipun punika dados salah satunggalipun tiyang ingkang misuwur ing jagad musik Inggris modhèrn amargi gaya nalika nyanyi.[2]

Awit Oasis dipuntilar déning Noel nalika Agustus 2009, William pungkasanipun lajeng nglajengaken kariripun ing jagad musik kaliyan Gem Archer, Andy Bell, Chris Sharrock, Jay Darlington kanthi damel band ingkang naminipun Beady Eye.[1]

Kulawarga[besut | besut sumber]

William miyos ing Burnage, Manchester.[1] Panjenenganipun punika putra kaping tiga lan pungkasan saking pasangan Thomas lan Peggy Gallagher.[1] Nalika semanten ramanipun, Thomas, asring ngawontenaken cecongkrahan ing kulawarganipun, kalebet dhumateng William lan kalih kangmasipun, Noel lan Paul.[1] Cecongkrahan punika banget anggènipun mangaruhi William lan dados inspirasi kanggé dados seniman.[1]

Nalika taksih alit, William punika nggadhahi sipat nakal.[1] Panjenenganipun dipumedalaken saking sekolah nalika yuswanipun 15 taun amargi gelut. Ngantos panjenenganipun naté nyolong pit, ananging pungkasanipun panjenenganipun remen kaliyan jagad musik.[1]

Tanggal 7 April 1997, William palakrami kaliyan Patsy Kensit.[1] Saking palakrami punika panjenenganipun kagungan putra setunggal ingkang asmanipun Lennon Francis ingkang miyos ing wulan September 1999. Ananging satunggal taun salajengipun William kaliyan Patsy pegatan.[1]

Cathetan suku[besut | besut sumber]

  1. ^ a b c d e f g h i j k l (id)Liam Gallagher dipunundhuh tanggal 21 September 2011)
  2. ^ Youngs, Ian (17 August 2005). "Britpop – Where are they now?". BBC News. 

Pranala njawi[besut | besut sumber]


Sumber artikel punika saking kaca situs web: "https://jv.wikipedia.org/w/index.php?title=Liam_Gallagher&oldid=1100152"