Leukimia mieloid akut

Léukimia mieloid akut ya iku salah sawijining jinis kanker ana ing getih lan sumsum balung bagéyan jero sing alus saka balung tartamtu. Penyakit iki nyerang sèl darahé panandang. Lelara iki nyebabaké myeloblast (jinising sèl getih putih), sèl getih abang utawa platelet ora normal. Akèh kadadéyan mawa sèl kasebut bisa lumaku kanthi cepet ing perangan awak tartamtu kaya ta klanjer getih bening, ati, limpa lan sistim saraf pusat (utek lan sumsum balung buri).

Léukimia mieloid akut minangka sumsum balung mburi sing mrodhuksi malah gawé sèl getih kang ora normal. Sèl getih iku bisa sèl getih putih, sèl getih abang utawa platelét. Ana ing jinis léukimia iki, sèl-sèl sing rusak ya iku sèl getih sing durung mateng sing diarani kanthi jeneng sèl blast. Saèngga lumakuning penyakit iki luwih cepet amarga nututi sipat sèl blast sing mbelah cepet. Nalika ana sèl kanker, sèl blast iki mandheg anggoné mbelah.^[1]

Jalaran

Miturut akèh panalitén, owahing DNA (deoxyribonucleic acid) bisa nyebabaké sèl normal ing sumsum balung mburi dadi sèl-sèl léukimia. Sèl-sèl manungsa sing nduwèni ancas beda-beda miturut informasi sing dikandhut ing kromosom. Kromosom ya iku oloran dawa DNA ing sajroning sèl. AML arang ditemoni ing umur kurang saka 40 taun.

Ana manéka werna faktor sing bisa munggahaké risiko léukimia mieloid akut, kaya déné:

Kena paparan radhiasi
Kena bahan kimia tertamtu
Lagi kémoterapi
Sindrom genetik
Keturunan kulawarga
Umur tuwa
Ngerokok
Wong lanang

Pratandha

Èfèk saka sèl léukemia kang diwiwiti saka sumsum balung mburi ngasilaké pratandha Acute Myeloid Leukemia (AML), lan nggawé awak ora mrodhuksi kanthi gunggung sing cukup sèl getih. Jinis kanker iki biasan'e tambah parah kanthi wektu cepet menawa ora gagé ditambani.^[2] Pratandha sing umum saka panandang ya iku:

Panandang katon pucet lan kekesèlan, sesek napas utawa mengi. Iki amarga gegayutan saka kuranging sèl getih abang.
Panandang kena infèksi siji mbaka siji amarga kuranging gunggung sèl getih putih.
Panandang memar tanpa jalaran kang jelas, mènstruasi sing parah kanggo wong wadon, gusi ngasilaké getih lan mimisan terus-terusan amarga gunggung trombosit ing getih.
Bercak abang lan ruam ing kulit
Kasarasan sansaya mudhun, awaké krasa ora kepènak
Lambé lan gurung krasa lara,
Awak mriang lan ngasilaké kringet ing wayah wengi.
Bobot awan sansaya mudhun.
Ana uga panandang sing ngrasakaké lara ing sendhi lan balung dibarengi karo werna kaunguan ing kulit sing pucet.^[3]

Tamba

Kango mangerteni ana orané kanker ing awak, prayogané dianakaké tés skining. Ananging ora ana tés mligi kanggo ndhiagnosis léukimia mieloid akut stadiyum wiwitan. Ana cara kanggo nambani léukimia mieloid akut, kaya déné:

Kémoterapi. Kémoterapi yaiku pangobatan kapisan lan wigati dilakokaké marang panandang léukimia mieloid akut. Metodhé iki migunakaké bahan kimia kanggo maténi sèl kanker ing sajroning awak. Obat kémoterapi nduwéni ancas kanggo ngerusak sèl-sèl getih panandang. Kèmoterapi dilakokaké gunggunge luwih saka loro kanggo entuk pepesthen mawa sèl-sèl lèukemia ilang tenanan.
Transplantasi. Transplantasi minangka mètodhé sing dipigunakaké karo transplantasi sèl babon. Prosès iki ngewangun sèl-sèl babon sing waras banjur ngganti sumsum balung sing lara. Sèl balung sing ora waras diganti karo sèl babon sing ora kena léukimia.
Terapi Biologi. Terapi iki ditepungi uga kanthi jeneng immunotherapy utawa terapi migunakaké zat sing nguwataké respon sistém kekebalan marang kanker.
Terapi Obat. Terapi obat dadi mètodhé sing umum dilakoni dening panandang léukimia mieloid akut. Ana obat antikanker sing digunakaké dhéwé utawa ing kahanan nglakoni kèmotérapi.^[4]

Nyegah

Cara nyegah lelara léukimia mieloid akut, kaya ta:

Ora ngerokok
Sregep ulah raga
Mangan lan ngombé sing ngandhut zat gizi
Njaga karesikan

Rujukan

↑ "AML, Jenis Leukemia pada Orang Dewasa". Pfizer Indonesia. 2017-06-01. Diarsip saka sing asli ing 2020-01-29. Dibukak ing 2020-01-29.
↑ "Leukimemia Mieloid Akut". Smarter Health. Dibukak ing 2019-01-29.
↑ Samiadi, Lika Aprilia (2016-03-12). "Leukemia Myeloid Akut". Hello Sehat. Dibukak ing 2020-01-25.
↑ Aryani, Tartila (2019-02-07). "Penyakit Leukemia Myeloid Akut Pada Orang Dewasa". Kitabisa. Dibukak ing 2020-01-25.

[1] "AML, Jenis Leukemia pada Orang Dewasa". Pfizer Indonesia. 2017-06-01. Diarsip saka sing asli ing 2020-01-29. Dibukak ing 2020-01-29.

[2] "Leukimemia Mieloid Akut". Smarter Health. Dibukak ing 2019-01-29.

[3] Samiadi, Lika Aprilia (2016-03-12). "Leukemia Myeloid Akut". Hello Sehat. Dibukak ing 2020-01-25.

[4] Aryani, Tartila (2019-02-07). "Penyakit Leukemia Myeloid Akut Pada Orang Dewasa". Kitabisa. Dibukak ing 2020-01-25.

[1]

[2]

[3]

[4]