Lambang Polandia

Saka Wikipédia Jawa, bauwarna bébas abasa Jawa
Coat of arms of Poland-official.png
Gendèra Polandia karo lambang nagara

Lambang Polandia iku wujudé arupa garudha putih ing tamèng alatar abang. Garudha iki nganggo makutha lan nduwé cakar serta cucuk werna emas. Ing Polandia, lambang nagara biyasané diarani Garudha Putih (Orzeł Biały), lan ditulis mawa huruf gedhé.

Legèndha[besut | besut sumber]

Sang Garudha Putih miturut carita asalé nalika sang pangadeg Nagara Polandia, Lech weruh susuh garudha putih. Nalika dhèwèké ndeleng manuk iki, ana sunaring srengéngé ing swiwiné, dadi rupané kaya-kaya pucuk-pucuké ana emasé, kamangka bagéyan liyané wernané putih.

Pepirang sajarawan nganggep yèn asalé lambing iki saka lambing Kakaisaran Romawi utawa Kakaisaran Romawi Suci. Lambang Kakaisaran Romawi Suci biyasané garudha werna ireng, nanging ana kutha-kutha sing nduwé lambang garudha putih kayata Frankfurt am Main lan Schweinfurt.

Sajarah[besut | besut sumber]

Garudha putih mula-mulané ana ing koin-koin dhuwit sing digawé nalika masa jumenengé ratu Boleslaus, lan wiwitané karepé lambang wangsa Piast.

Przemysł II sing kapisan nepungaké Garudha Putih mawa simbul nasional Polandia.

Vèrsi paling anyar lambang iki wiwit ditrapaké ing taun 1927 mawa amandhemèn ing undhang-undhang dhasar Polandia. Ing taun 1945, rejim komunis sing anyar ngilangi makutha saka endhasé garudha lan ngganti kembang-kembangan (mbokmenawa ora sengaja) sing mèmper lintang ing pucuké swiwi karo lintang tenanan. Makutha iki dianggep simbul karatonan. Nalika rejim komunis lèngsèr ing taun 1990, vèrsi lambang sing saiki dienggo. Lambang vèrsi iki mèmper karo vèrsi taun 1927, mung rupané luwih modhèrn waé.

Kaum militèr Polandia[besut | besut sumber]

Lambang-lambang jaman mbiyèn[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Lambang_Polandia&oldid=1012817"