Komisi Nasional Perempuan

Logo komnas perempuan

Komisi Nasional Anti Kekerasan Dhateng Putri utawi Komisi Nasional (Komnas) Perempuan inggih punika salah satunggaling lembaga independen ing Indonésia ingkang dipunebntuk minangka mekanisme nasional kanggé mbusak lan ngicalaken kakerasan dhateng tiyang putri. Komisi nasional kanggé tiyang putri punika madeg ing tanggal 15 Oktober 1998 dhedhasar Dudutan Présidhèn No. 181/ 1998. Komnas Perempuan madeg saking tuntutanipun masarakat sipil, mliginipun kaum putri, dhateng pamaréntah kanggé mujudaken tanggel jawab nagara kanggé paring tanggapan lan nangani prakawis bab tumindak siksa dhateng wanita. Panyuwunan kasebat wonten saking tragedi kekerasan sèksual ingkang dipunraosaken kaum putri saking ètnis Tionghoa wonten ing haruhara Mèi 1998 ing kathah kitha ageng ing Indonésia. Komnas Perempuan pikantuk panyengkuyung saking Sekretariat Nagara. Kajawi punika, Komnas tiyang putr ugi nampi panyengkuyung saking tiyang pribadi lan manéka warna organisasi nasional lan internasional. Komnas Perempuan nindakaken tanggel jawab publik ngengingi program kerja utawi dana beyanipun dhateng Sekretariat Nagara. Punika dipuntindakaken kanthi lapuran wujud seratan ingkang saged dipunundhuh tiyang kathah kanthi adicara "Pertanggungjawaban Publik" wondene masarakat umum lan konstituen' komnas wanita saking lingkungan pamaréntah lan masarakat saged adhep ajeng lan pirembagan langsung. Susunan organisasi Komnas Perempuan kapérang dados komisi paripurna lan Badan Pekerja. Anggota komisi Paripurna asalipun saking manéka warna latar pendhidhikan, pakaryan, agama, lan suku ingkang gadhah integritas, kaprigelan, kawruh, wawasan, kamanungsan lan kebangsan saha tanggel jawab ingkang inggil kanggé ngupiya supados saged nggayuh ancasipun Komnas Perempuan piyambak.

Peranipun

Kangge nindakaken tugasipun, Komnas Perempuan mendhet peran kados makaten:

1. Dados pusat sumbering informasi bab hak asasi wanita minangka hak asasi kamanungsan lan kekerasan dhateng tiyang putri dadis satunggaling pelanggaran HAM
2. dados negosiator lan mediator ing antawisipun pamaréntah kaliyan komunitas kurban lan komunitas pejuang hak asasi wanita, kanthi langkung awrat dhateng kapentnganipun kurban;
3. dados inisiator éwah-ewahaning kawicaksanan lan ngrumusaken kawicaksanan, kalebet perangkat lan sistem hukum saha sistem lan kapasitas nglayani kanggé kurban ingkang paring perlindhungan kanggé njangkepi lan majengaken hak-hak wanita
4. dados ingkang ningali lan nglaporalen manawi wonten HAM ingkang dipunlanggar ingkang basis gender kanthi rutin kanthi kerja sama kaliyan insttusi-institusi HAM sanèsipun;
5. dados fasilitator pangrembakaning lan ngiyataken jaringan ing tingakt lokal, nasipnal, lan internasional kanggé kapentingan saged nyegah, ningkataken kapasitas nangani lan mbusak sadaya wujud siksa dhateng tiyang putri.