Klade

Saka Wikipédia Jawa, bauwarna bébas abasa Jawa
(Dilih saka Klad)
Jump to navigation Jump to search
Panglompokan reptilia lan manuk lumrahé dianggep monofiletik.

Klad utawa klade iku golongan taksonomi kang duwé siji leluhur bebarengan lan kabèh katurunané uga asal saka moyang mau. Golongan kaya ngéné iku diarani golongan monofiletik, kang bisa digambaraké liwat analisis filogenetika, kaya kacetha sajeroning diagram pohon utawa sawijining kladogram.

Yèn sawijining klad kanthi konsisten tansah muncul sajeroning manéka analisis kladistika kanthi migunakaké manéka himpunan data, klad mau bisa diadopsi sajeroning taksonomi lan bisa dadi sawijining takson. Sanadyan mangkono, ora kabèh takson kang diakoni wektu iki bisa dianggep klad. Reptilia, umpamané, minangka golongan parafiletik amarga ora nglebokaké aves (manuk) kang uga dianggep ngalami évolusi saka leluhur kang padha karo reptilia.

Sajeroning kladistika, sawijining klad kang ana ing sawiji klad liya diarani "tersarang" sajeroning klad mau. Klad kang tersarang mau duwé sawetara kagunaan, umpamané bisa mènèhi cakupan èkspansi ing sawiji wewengkon géografis kang kaisolasi.

Pranala njaba[besut | besut sumber]