Kintsuba

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Imo kintsuba

Kintsuba (きんつば utawi 金鍔??) utawi kintsubayaki inggih punika kue Jepang ingkang kalebet dhateng golongan wagashi ingkang wujud selai kacang abang ingkang dipunbungkus terigu. Adonan ingkang dipunginakaken kanggé mbungkus selai kacang abang punika dipundamel saking terigu ingkang dipunenceraken kanthi ngginakaken toya lajeng dipunulen dados lembaran ingkang tipis. Kue punika limrahipun wujudipun bunder lan wonten ing permukaan dipunpanggang wonten ing wajan ingkang rata ingkang sampun dipunolesi lisah goreng.

Kue punika dipunparingi nama kintsubayaki amargi wujudipun punika kados déné tsuba (ingkang nglindhungi asta/tangan) ing cepengan katana saking Zaman Edo.[1]

Kintsuba ingkang awujud persegi punika sinebat kaku kintsuba (角きんつば? arti barès: kintsuba persegi) punika dipundamel nalika ing zaman Meiji. Selai kacang abang punika dipundamel kenthel kanthi ngginakaken ager-ager dumugi atos. Salajengipun fipuntugel-tugel persegi. Tugelan selai kacang abang punika lajeng dipuncelupaken dhateng adonan ingkang dipundamel saking terigu dipuncampur toya. Kintsuba persegi ugi dipunmatengaken kanthi cara dipunpanggang wonten ing saknginggilipun wajan ingkang rata.

Imo kintsuba ((芋きんつば?) utawi satsuma kintsuba (薩摩きんつば?) inggih punika kintsuba ingkang isinipun kue punika (basa Jepang: an, 餡) dipundamel saking tela pendhem utawi imo yokan. Wujudipun punika ugi persegi.[1]

Asal usul[besut | besut sumber]

Wiwitanipun, kue punika sinebat gintsuba (銀つば?) amargi permukaanipun ingkang putih mengkilat kados déné perak (gin). Nanging penduduk Kyoto lan Edo punika langkung asring nyebat kue punika minangka kintsuba amargi kin (emas) langkung awis tinimbang perak.

Kue punika dipunparingi nama kintsuba amargi adonan terigu tipis ingkang mbungkus kue punika memper kaliyan kisah tsuba saking emas palsu. Wonten ing Zaman Edo, satunggaling tiyang Daimyo paring dhawuh dhumateng tiyang ingkang damel katana supados damel tsuba saking emas. Tsuba inggih punika piringan kanggé njagi asta wonten ing cepengan katana. Ingkang damel tsuba punika gadhah kekarepan pikantuk untung ingkang ageng satemah boten damel saking emas, nanging saking seng kanthi lapisan emas ingkang tipis. Tiyang ingkang damel tsuba kasebat dipunukum mati saksampunipun lelakon kasebat dipunmangertosi déning Daimyo.[2]

Rujukan[besut | besut sumber]

  1. a b "お菓子・地方銘菓など(食品31-7)". 食の安全と安心(Web食の大事典) - 食の安全と安心(Web食の大事典). Dibukak ing 2013-02-14.
  2. "和菓子ヒストリー『きんつば』". École de Pâtisserie de Tokio. Dibukak ing 2013-02-14.