Khuntulan
Khuntulan menika salah satunggiling kesenian tradhisional masarakat Yogyakarta, mliginipun ing tlatah Sléman. Khuntulan menika sacara harafiah ateges manuk kuntul (kados bangau pethak nanging buntutipun pèndèk lan saged lumayu rikat sanget). Kesenian menika dipunnamani manuk kuntul amargi para beksanipun ngagem rasukan pethak kados manuk kuntul utawi bangau pethak.
Khuntulan menika dipungelar minangka caos sokur dhateng Gusti Allah ingkang Maha Wisesa. Khuntulan menika ugi nyaosaken pepujen dhateng Gusti Pangéran, menika ngemutaken bilih sedaya masarakat kedah langkung celak kaliyan Gusti ingkang kagungan gesang. Khuntulan dados kesenian ingkang raket sanget kaliyan masarakat mila kesenian menika tansah dipunleksanakaken ing salir padatan.
Ciri Khas Khuntulan
[besut | besut sumber]Khuntulan saéstu kenthel nuansa islaminipun amarga wonten pawaosan kitab Al-Barzanji mingka pratélan utama ing pagelaran Khuntulan. Khuntulan ingkang climèn menika dipuniringi terbang lan bedhug sederhana, ewadéné khuntulan kundaran biyasanipun ngangge jidor, kendhang, gong menapa organ, lan wonten ing wiwitan wonten pamaosan ayat Al-Barzanji. Kejawi menika, pambeksa narèkaken ébahan pencak silat sesarengan. Ébahannipun inggih menika njejakaken suku ing ngandhap, sukunipun siyaga kuda-kuda dipun lajengaken ngantem lan nendang kados tiyang ingkang némbé padu. Kesenian menika disarengi tabuhan terbang lan para sinden nembangaken syair kanthi basa Arab.
Rujukan
[besut | besut sumber]
Warisan Budaya Takbenda Archived 2023-09-07 at the Wayback Machine.- Direktorat Warisan dan Diplomasi Budaya (2014). Buku Panduan Penetapan Warisan Budaya Takbenda Indonesia Tahun 2014 (PDF). Jakarta: Kementerian Pendidikan, Kebudayaan, Riset, dan Teknologi Republik Indonesia.
- Direktorat Warisan dan Diplomasi Budaya (2018). Katalog Warisan Budaya Takbenda Indonesia 2018 (PDF). Jakarta: Kementerian Pendidikan, Kebudayaan, Riset, dan Teknologi Republik Indonesia.
- Direktorat Warisan dan Diplomasi Budaya (2015). Panduan Pencatatan, Penetapan, dan Pengusulan Warisan Budaya Takbenda Indonesia (PDF). Jakarta: Kementerian Pendidikan, Kebudayaan, Riset, dan Teknologi Republik Indonesia.
- Mancacaritadipura, Gaura; Wirakartakusumah, Daryl Neng (2019). Warisan Budaya Takbenda dan Pembangunan Berkelanjutan (PDF). Jakarta: Kementerian Pendidikan, Kebudayaan, Riset, dan Teknologi Republik Indonesia.
