Ketileng
Wit ketileng ing Jawa jinisé ana telu, ya iku ketileng (Vitex glabrata), ketileng (Vitex heterophylla) lan ketileng (Vitex velutina).
Ketileng (Vitex glabrata) ing Sundha sinèbut bihbul. Ing Jawa ana kang ngarani gentileng lan ketileng. Dhuwuré wit bisa nganti 25 m, gèdhiné 1,25 cm. Tuwuh ing Jawa ing laladan kang dhuwuré sangisoré 900 m dpl. Ing dhaérah tertamtu, kayu kang kwalitasé apik digunakaké kanggo bahan wangunan lan prabotan omah-omah.
Ketileng (Vitex heterophilla), ing Sundha sinèbut Ki bangbara utawa laban. Déné ing Jawa ana kang ngarani kayu sèmut, ketileng, laban ketileng, laban kuning, laban sèmut. WIte lurus nganti 30 m, gedhiné 100 cm. Ing Jawa tuwuh ing laladan kang sangisoré 1000 m dpl. Kayu iki dikenal awet saengga akeh kang nggunakake kanggo bahan wangunan lan prabotan omah.
Ketileng (Vitex velutina) wite lurus dhuwuré nganti 20-40 m, gèdhiné 40 cm. Ora akèh tuwuh ing Jawa. Dikabaraké yèn ketileng jinis iki tau tuwuh ing Nusakambangan lan kayuné apik kanggo wewanguan lan prabotan omah-omah.[1]
Arané désa[besut | besut sumber]
Désa-désa ing Jawa Wétan/Jawa Tèngah/DIY kang nganggo aran Ketileng ya iku:
| No | Désa/Kalurahan | Kècamatan | Kabupaten |
|---|---|---|---|
| 1 | Ketileng | Kramat | Tègal |
| 2 | Ketileng | Welahan | Jèpara |
| 3 | Ketileng | Malo | Bojonègoro |
| 4 | Ketileng | Todanan | Blora |
| 5 | Tileng | Dagangan | Madiun |
Rujukan[besut | besut sumber]
- ↑ a b Santosa, Iman Budhi (2017). Suta Naya Dhadhap Waru. Daerah Istimewa Yogyakarta: Interlude. kc. 234. ISBN 978-602-6250-42-1.