Kejatèn
Organisasi Kejatèn didegaké dening Bapak Suradji Partomihardjo ing dalan Nusantara No. 63, Blora, Jawa Tengah, ing tanggal 1 Désèmbér 1970. Jeneng Kejatèn dijupuk saka kedadén nalika panjenenganè nampa wangsit bakal ana ing ndhuwur Gunung Jati lan weruh wit Jati lurus lumebu menyang juran. Kejatèn yaiku kawruh/kasempurnan sing nuju kasunyatan urip lair lan batin ing dunya lan akherat.[1]
Sejarahè[besut | besut sumber]
Bapak Suradji Partomihardjo dilairakè ing Blora, tanggal 14 Maret 1914. Panjenenganè ngangsu kawruh nganti tekan SR V taun ing Budi Utomo. Awit bangku sekolah, panjenenganè wis seneng nglakokakè poso kanggo kapentingan kawruhè. Ing taun 1931, panjenenganè nglakokakè laku poso lan banjur éntuk wangsit yén panjenenganè mengko bakal dadi kakiyahi. Sakbanjurè, ing taun 1932 Bapak Suradji Partomihardjo lunga adoh tekan ing daérah Salam, Magelang. Ing kana panjenenganè ketemu karo wong pènsiunan Kopral sing nduwèni kaluwihan sing moncer, yaiku Bapak Sastro Diharjo. banjur, dening Bapak Sastro Diharjo diomongi yen Bapak Suradji Partomiharjo mengko bakal bisa maca njero atine wong . Ing taun 1933, Bapak Suradji Partomihardjo lumebu dadi anggota Polisi.
Rujukan[besut | besut sumber]
- ↑ Indonesia. Direktorat Kepercayaan Terhadap Tuhan Yang Maha Esa. (2006). Ensiklopedi kepercayaan terhadap Tuhan Yang Maha Esa. [Jakarta]: Direktorat Jenderal Nilai Budaya, Seni dan Film, Direktorat Kepercayaan Terhadap Tuhan Yang Maha Esa. ISBN 978-979-16071-1-7. OCLC 424338489.