Kali Cimanuk
Cimanuk iku kali sing dumunung ing pérangan wétan Provinsi Jawa Kulon. Cimanuk mili saka sikiling Gunung Papandayan ing Kabupatèn Garut ing èlevasi + 1200 sadhuwuring lumahing sagara, mili mangétan-lor sadawaniné 180 km lan mungkasi ing Sagara Jawa ing Kabupatèn Indramayu. Cimanuk ing pérangan hilir cukup jembar saéngga bisa dilayari nganggo kapal gedhé. Ing abad angka 16, muara Cimanuk wujud plabuhan sing ramé lan dadi salah siji plabuhan Karajan Sundha, kaya déné dilapuraké déning Tome Pires minangka "Chemano".