Kaisar Xianfeng

Saka Wikipédia Jawa, bauwarna bébas abasa Jawa
Kaisar Xianfeng
咸豐帝
Kaisar Cina
Memerintah 29 Maret 1850 – 16 Juli 1861
(&&&&&&&&&&&&&011.&&&&&011 taun, &&&&&&&&&&&&0109.&&&&&0109 dina)
Pendahulu Kaisar Daoguang
Pengganti Kaisar Tongzhi
Pasangan Permaisuri Xiao De Xian
Permaisuri Xiao Zhen Xian
Permaisuri Xiao Qin Xian
Anak
Zaichun, Kaisar Tongzhi
Puteri Rongan
Nama lengkap
Mandarin: Aixin-Jueluo Yizhu 愛新覺羅奕詝
Manchu: Aisin-Gioro I Ju
Gelar dan jabatan
Kaisar
Nama anumerta
Kaisar Xiétiān Yìyùn Zhízhōng Chuímó Màodé Zhènwǔ Shèngxiào Yuāngōng Duānrén Kuānmǐn Zhuāngjiǎn Xiǎn
(協天翊運執中垂謨懋德振武聖孝淵恭端仁寬敏莊儉顯皇帝)
Nama kuil
Qing Wenzong
清文宗
Ayah Kaisar Daoguang
Ibu Permaisuri Xiao Quan Cheng
Lahir (1831-07-17)17 Juli 1831
Kota Terlarang, Beijing
Meninggal 22 Agustus 1861(1861-08-22) (umur 30)
Resor Gunung Chengde, Chengde
Dikubur Pusara Qing Timur, Zunhua

Kaisar Xianfeng (Hanzi: 咸丰, 17 Juli 1831-22 Agustus 1861) ya iku maharaja Manchu ka-9 lan maharaja ka-7 saka Dhinasti Qing wiwit bangsa minoritas iku nguwasani Tiongkok.[1] Dhèwèké nguwasani pamaréntahan wiwit taun 1850 nganti tekan taun 1861.[1] Pamaréntahané ya iku dadi kemundurané saka bangsa Tiongkok amarga ora kuwawa anggoné ngadhepi rongrongan bangsa-bangsa asing lan korupsi kang ana ing tataran pamaréntahan.[1] Xianfeng mati kanthi kahanan kang mesakaké ya iku ana ing pasanggrahan ratu ing Chengde, Hebei sawisé minggat saka kutha krajan nalika ana serangan saka bangsa kulon ing Beijing.[1] Xianfeng lair ajeneng Aisin Gioro Yizhu (爱新觉罗奕詝) ana ing Pura Mangsa Katiga Lawas/ Taman Yuanming, 8 km sisih kulon segara tembok kutha Béijing.[1] Dhèwèké ya iku putra ka-4 Maharaja Daoguang lan Selir Quan (suku Manchu trah Niuhuru).[2] Selir Quan dhéwé diangkat dadi permaisuri nalika taun 1834 lan luwih kondhang agelar anumerta Permaisuri Xiaoquan Cheng[1]. Yizhu duwé intelektual kang apik lan uga ngluwihi sedulur-seduluré.[1] Sawijining dina nalika bapaké arep nguji dhèwèké lan uga adhiné, Yixin, kanggo milih jeneng kang trep kanggo nerusaké singgasana.[1] Yixin njawab kabèh pitakon babagan tata nagara déning bapaké kanthi luwes.[1] Sadurunge teka ing bagéané Yizhu, guruné, Du Shoutian kang weruh yèn ing babagan pulitik dhèwèké kalah saka adhine, mènèhi pitutur supaya bisaa njawab sacukupé apa kang ditakonaké.[1]

Cathetan suku[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Kaisar_Xianfeng&oldid=1106096"