Kaisar Hongxi

Saka Wikipédia Jawa, bauwarna bébas abasa Jawa
Kaisar Hongxi

Kaisar Hongxi (Hanzi: 洪熙, 1378-1425) ya iku kaisar ka-4 Dinasti Ming. Lair karo jeneng Zhu Gaochi (朱高炽), ya iku anak pambarep saka Zhu Di.[1] Dhèwèké marisi tahta sawisé bapaké mangkat ing taun 1424 lan mènèhi jeneng ana ing rezime karo jeneng rezim Hongxi, nanging dhèwèké tilar donya sawisé setaun ana ing tahta ya iku nalika umuré 48 taun.[1] Wiwit cilik Zhu Gaochi dididik kanthi apik déning guru-guru kang alirane Konfusius.[1] Nalika bapaké nglakokaké kudéta lan nyatakaké perang marang Kaisar Jianwen, dhèwèké duwé tugas kanggo njaga kutha Beijing.[1] Dhèwèké perang karo pasukan kang cacahe 10.000 wong nglawan 500.000 tentara kang pro-Jianwen.[1] Zhu Di bisa ngrebut tahta saka Kaisar Jianwen nalika taun 1402 lan ngangkat awake dhéwé dadi kaisar kanthi gelar Kaisar Yongle.[2] Sawise kaya ngene status Zhu Gaochi saiki uga ganti dadi putra mahkota.[2] Dhèwèké duwé tanggung jawab saka tugas-tugas kerajaan nalika bapake nglakokake ekspedisi menyang wewengkon lor.[2] Nanging Yongle luwih seneng karo adhine kekaron ya iku Zhu Gaoxu lan Zhu Gaosui, dhèwèké uga duwé rancana kanggo nganti status putra mahkota kanggo salh siji saka kekarone.[2] Nanging sawise Yongle ngerti intrik iku, mula rencana mau dibatalake lan Zhu Gaochi aman ana ing posisine.[2] Taun 1424, Yongle mati lan dhèwèké marisi tahta karo gelar Kaisar Hongxi.[2] Sawise munggah tahta, dhèwèké mbebasake lan ngrehabilitasi para tahanan pulitik kang tau nglayani Kaisar Jianwen.[2] Jabatan lan gelar kabehane dipulihake, pendapat saka kabehane uga dirungokake.[2] Kaum terpelajar Hanlin akèh kang diangkat kanggo manggon ana ing posisi-posisi penting, wong-wong mau iku kang banjur mbatalake kebijakan-kebijakan militeristik Yongle kang ora populer lan merestorasi pamaréntahan sipil.[2]

Cathetan Suku[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Kaisar_Hongxi&oldid=1079511"