Jumbleng

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Gambar teknis saka jumbleng, wujud jogangan kang mawa tutup, duwé bolongan lan pancikan kanggo ndhodhok.[1]

Jumbleng utawa kakus cemplung ya iku istilah kanggo kakus kang prasaja dhèwè, wujud jogangan jero kanggo nglupukaké sesuker ana ing lemah tanpa perlu digrujug banyu. Manawa dibangun lan direksa kanthi bener, jumbleng bisa nyuda panyebaring lelara lan nyuda anané sesuker ing sawenèh panggon.[2] Jumbleng lumrahé digawé saka lemah kang digawé jogangan jero (1-3 mèter), banjur ditutup blèbèkan watu amba kanthi bolongan cilik. WHO paring saran supaya jumbleng dibangun cedhak saka omah, nanging uga njaga supaya gandané ora mbebu omah. Bolongan jumbleng uga ora punjul 25 cm kanggo nyegah bocah kecemplung. Ing taun 2013 jumbleng digunakaké déning 1,77 milyar wong, mligi ana ing nagara tumuwuh, karang padésan lan pinggir alas. Béaya kanggo yasa jumbleng udakara Rp 300.000 - Rp 750.000.

Rujukan[besut | besut sumber]

  1. WEDC. Latrine slabs: an engineer’s guide, WEDC Guide 005 (PDF). Water, Engineering and Development Centre The John Pickford Building School of Civil and Building Engineering Loughborough University. k. 22. ISBN 978 1 84380 143 6. Dijupuk 22 May 2016. 
  2. "Call to action on sanitation" (PDF). United Nations. Dijupuk 15 August 2014.