Jenang ladu

Aksara Latin

ꦗꦮ

punika jenang ladu ingkang asalipun saking Banjarnegara, Jawa Tengah, Indonésia

Jenang ladu inggih punika salah satunggaling tetedhan tradhisional saking kabupatèn Banjarnegara,Jawa Tengah. Rupa jenang ladu punika kados dhodhol, nanging jenang ladu punika radi ngeres amargi wonten campuran wijen ingkang sampun dipunbebek, manawi wonten laladan Sukoharjo punika dipunsebat jenang krasikan. Sanèsipun dhawet ayu Banjarnegara, jenang ladu ugi dipunremeni dhateng masarakat punika, jenang ladu dados ubarampe ingkang wigati saben wonten HUT Banjarnegara. Wonten ing pawiwahan jenang ladu ugi dados suguhan ingkang wajib wonten. Wonten ing ngandhap punika dipunandharaken kados punapa kemawon bahan ingkang kaginakaken.

Bahan-bahan Jenang Ladu

1. 300 gr beras ketan
2. 150 gr wijen
3. 1 buah klapa lajeng dipunparut
4. 1 sdt air kapur sirih
5. 250 gr gula jawa
6. 500 ml santan

Caranipun Damel Jenang Ladu

Wonten ing ngandhap punika dipunandharaken kados pundi kemawon caranipun damel jenang ladu.

1. beras ketan dipunsangrai rumiyin
2. manawi sampun, lajeng dipunbebek
3. lajeng parutan klapa ugi dipunsangrai
4. manawi sampun dipunsangrai, teras kemawon dipuncampur kaliyan gendhis jawi
5. saha ugi kaliyan wijen ingkang sampun dipunbebek
6. manawi sampun sadaya, lajeng sadaya kalawau dipuncampur dados satunggal adonan
7. salajengipun adonan punika dipungepengaken wonten nginggiling godhong gedhang
8. pungkasan inggih punika dipunbungkus miturut kersanipun piyambak-piyambak