Ignas Kleden

Saka Wikipédia Jawa, bauwarna mardika basa Jawa
Menyang navigasi Menyang panggolèkan

Ignas Kleden inggih punika sastrawan lan sosiolog (lair 19 Mei 1948 wonten ing Waibalun, Larantuka, Flores Timur). Piyambaké nglampahi sekolah lan kuliah ing Seminari, Flores. Uga naté nyambut damel wonten Penerbit Nusa Indah, Ende, banjur pindhah wonten Jakarta dados editor Yayasan Obor tahun 1976-1977 lan Yayasan Ilmu-Ilmu Sosial Jakarta tahun 1977-1978. Banjur nutugaké sekolah ing Hochschule Fuer Philosophie, Munchen lan pikantuk gelar MA filsafat taun 1982. Ing taun 1995 Ignas Kleden pikantuk doktor sosiologi saking Universitas Biefeld[1]. Saliyané aktif ing Yeyasan, Ignas Kleden uga naté nyambut damel wonten kalawarta Prisma banjur sesarengan LP3ES ngadekaké rancangan SPES.

Karya[besut | besut sumber]

Seratan ingkang sampun dipunwedalaken déning Ignas Kleden ngemot babagan kabudayan lan ilmu sosial kanthi irah-irahan Sikap Ilmiah dan Kritik Kebudayaan (1988) wonten panerbit LP3ES. Ignas Kleden uga damel panlitén babagan kabudayan saking kumpulan para winasis ya iku Sudjatmoko: Sebuah Psikologi Pembebasan wonten Sudjatmoko, Etika Pembebasan (1984); Kebudayaan dan Posisi Seniman: Mempertimbangkan Rendra, wonten Rendra, Mempertimbangkan Tradisi (1983); Eksperimen Seorang Penyair wonten Goenawan Mohamad Catatan Pinggir 2 (1989); Putu Wijaya dan Dongeng-Dongeng Modern, wonten Putu Wijaya, Yel (1995), lan wonten Anjing-Anjing Menyerbu Kuburan kanthi tinjauan Simbolisme Cerita Pendek (1997), Sikap Ilmiah dan Kritik Kebudayaan (1988)

Rujukan[besut | besut sumber]

  1. Rampan, Korrie Layun, 1953- (2000). Leksikon susastra Indonesia (Cet. 1 ed.). Jakarta: Balai Pustaka. ISBN 9796663589. OCLC 47208002.CS1 maint: multiple names: authors list (link)