Ichigo Kurosaki

Saka Wikipédia Jawa, bauwarna bébas abasa Jawa
Ichigo Kurosaki
Karakter Bleach
Ichigo Kurosaki
Pagawéyan Pelajar SMA, shinigami (déwa kematian) pengganti, vizard
Dedeg 174 cm (kelas 2 SMP), 192 cm (sapunika)
bobot 61 kg
Golongan getih AO
Zanpakuto Zangetsu
Pangisi swara Masakazu Morita, Yuki Matsuoka (mangsa cilik)

Ichigo Kurosaki (黒崎 一護 Kurosaki Ichigo?) iku salah siji paraga ing carita manga lan anime Bleach.[1] Cerita Bleach diwiwiti nalika Ichigo olèh kekuwatan shinigami amarga ketemu karo Rukia Kuchiki, salah siji shinigami kang olèh prentah ngawasi kutha Karakura.[2] Amarga ngewenehake kekuwatan marang Ichigo, Rukia ora duwé kekuwatan. Banjur Ichigo diwènèhi tugas kanggo nggenteni Rukia dadi déwa kematian.[2] Ichigo kudu ngayomi wong-wong saka roh jahat kang diarani Hollow, lan ngirim roh kang apik kang diarani plus menyang Soul Society.[2]

Profil[besut | besut sumber]

Ichigo ya iku bocah enom kang umuré 15 taun kang seneng brontak. Nanging dhèwèké uga duwé sipat kang apik lan pinter. Rambute wena oranye. Amarga iku dhèwèké asring tukaran karo kakak kelase ing sekolahan.[2] Ichigo uga salah siji wong kang duwé bakat, dhèwèké éntuk urutan ka-23 saka 322 murid ing sekolahé.[3] Dhèwèké saben dina sinau, ora tau nglalekake tugas sekolahé.[2] Ichigo duwé ngèlmu kang bisa ngerti roh, amarga kekuwatan spiritual kang dinduweni.[2] Sawisé ketemu karo Rukia Kuchiki, kakuwatan spiritual Ichigo kang sadurungé kakunci dadi kabuka, lan dhèwèké ora bisa ngendhalikake. Amarga saka gedhene kekuwatane Ichigo, kanca-kanca cedhake mèlu duwé kekuwatan spiritual.[2]

Ichigo urip bareng karo bapake, Isshin Kurosaki lan adhi wedoke, Yuzu lan Karin. Bapake duwé klinik cilik ing omah. Bapake Ichigo digambarake dadi paraga kang lucu ing carita iki. Adhine wédok duwé kekuwatan bisa ndeleng roh.

Cathetan sikil[besut | besut sumber]

  1. ^ www.absoluteanime.com
  2. ^ a b c d e f g Ichigo Kurosaki
  3. ^ Bleach manga volume 5, bab 35, halaman 12