IPOMI
IPOMI Mangkat saka parembugan santai ananging serius, sak kelompok pengusaha muda Perusahaan Otobus sarujuk bentuk salah sawijining wadhah utawa forum. Anggotane saka generasi keloro PO saka Sumatera - Jawa - Nusa Tenggara Barat, wadhah iki diwenehi jeneng Ikatan Pengusaha Otobus Muda Indonesia (IPOMI), IPOMI dibentuk ing Yogyakarta tanggal 3 Oktober taun 2011. IPOMI sing diketuani dening Kurnia Lesani Adnan (Siliwangi Antar Nusa), karo Sekretaris Umum Y. Rosanto Adi (Rosalia Indah), ing antarane Angga V Chairul (NPM), Antonius S Hambali (Sumber Alam), Firman (Menggala), Tri Edi C Wibowo (Bimo), Ismu Hardjito (Sejuta Bintang), Andreas D. Wijaya ( Blue Star), lan Vincent H. Lukito (Kalisari). Sakliyane kuwi generasi penerus PO kaya ta Glenn (HIBA), Teddy Rusli (Sinar Jaya Megah Langgeng), Untung (Coyo), Ifan (PHB), Indra Loebis (ALS), Fernandus Butar-butar (Intra), Julinto (Gumarang Jaya), Helmy Tosin (Bejeu), Tengku Erry (Effisiensi), Dollin (Ardyan Transport), Herry Devis (Fajar Transport), Dede (Sindoro Satriamas), Iwan (Trista), Iwan Sutanto (Tiara Mas), Luragung Yayan Irman (Termuda), Aries (Sari Harum), Didit (Maju Lancar Group), Davidari (Agra Mas), Yohan (Gunung Mulia) lan Kelvin (Restu). Wadhah anyar pengusaha muda PO iki mangkat saka kumpul-kumpul pengusaha muda PO bus lewat telepon lan kopi darat. Saka komunikasi kuwi, dheweke kabèh bisa ijol-ijolan informasi lan ilmu. Parembugan lan komunikasi kang intensif ngrembaka dadi kesadaran kanggo bentuk wadhah supaya nduweni misi utawa tujuan kanggo ngraketake antarane pengusaha generasi muda otobus kaloro. Kanthi diplomatis anane IPOMI iki nduweni tujuan akhir yaiku kepriye carane ngelayani masyarakat kanthi profesional. Senadyan durung kanthi resmi di deklarasikake, IPOMI ing agenda makaryane nduweni rencana kanggo gawe program pelatihan teknis kaya ta manajemen, perbengkelan, pangrumatan mesin, pelatihan kanggo calon pengemudi, lan liya-liyane maneh. Saengga pengusaha muda sing saiki rata-rata nyekel kendali PO nduweni sangu sing cukup kanggo njalanke. Amarga nganti saiki akeh pelaku usaha transportasi bus sing ora mangerteni bab dunia usahane iki, saka aspek manajemen, operasional, lan regulasine. Anane IPOMI iki banjur ora kanggo nandhingi utawa nyaingi Organisasi Angkutan Darat (Organda). IPOMI kanthi spesifik anggotane saka generasi muda pengusaha bus, sing kepengen sinau maneh kanggo njalanake usaha transportasi bus. Sak durunge organisasi iki dibentuk, akeh para pengusaha sing sinau lan konsultasi marang senior-senior pengusaha bus sing uga tau aktif ana ing Organda. Wadhah kaya ngene iki bisa mbiyantu pengusaha bus supaya ngraketake komunikasi ing antarane pengusaha bus kanggo menehi pengalaman lan kawruh ana ing sajroning forum kasebut, sarta mbiyantu kanthi pangarep-arep para pengusaha tansaya apik anggone ngelayani masyarakat pengguna jasa bus. Organisasi iki kanthi implisit kanggo luwih ngraketake lan bangun kerjasama sing luwih apik tumrap pengusaha bus supaya bisa njalanke usaha iki luwih becik maneh ing mbesuke. Generasi muda pengusaha bus perlu mangerteni kepriye njalanake usaha transportasi sing bener, yakuwi bab sing wigati banget, ngengingi kepriye bisa ngeterake penumpang kanthi slamet, aman, lan nyaman, bisnis kuwi misi sing kaping loro ana ing sajroning dunia usaha penyedia jasa angkutan umum. Pengusaha generasi keloro sing wis ora enom maneh iki nduweni pangarep-arep kanthi anane wadhah pengusaha muda transportasi bus, pelayanan tumrap masyarakat bisa mundhak apik maneh.Dikarepake pemerintah bisa terus bangun infrastruktur lan regulasi transportasi, kanggo nunjang industri transportasi darat ing Indonesia sing sansaya mrene sansaya akeh jumlah pesainge saka transportasi liyane. Sak liyane kuwi muga wae wadhah iki bisa dadi alat anyar dening pemerintah, supaya gelem ngapiki kahanan sing saiki ana ing donya transportasi bus. Sakperangan gedhe masyarakat nduweni opini yen numpak bus kuwi resiko kecelakaane dhuwur tinimbang numpak kendaraan pribadi utawa kendaraan darat liyane. Mula akeh wong sing padha milih tuku pit motor lan mobil kanggo lelungan. Ing kene IPOMI nduweni pangarep-arep bisa melu ngowahi pola pikir masyarakat sing kaya mangkono kuwi mau kanthi cara ngawasi lan benerake kahanan transportasi darat wiwit saka aspek sing paling sederhana. Senadyan tantangan mengarepe luwih gedhe, nanging Ketua IPOMI nduweni keyakinan yen IPOMI bakal bisa aweh sumbangsih gedhe tumrap kemajuan teknologi ing bidang tansportasi ing Indonesia. Kanthi tujuan akhire yaiku bus dadi pilihan kang utama dening masyarakat kanggo gunakake transportasi darat. Sakliyane kuwi, IPOMI uga bangun kerjasama karo sakperangan pihak penggemar bus kanggo galakake slogan yen bus bisa dadi pelopor keselamatan ing dalan gedhe lan uga bisa dadi pelopor angkutan umum sing tamtune ngurangi kemacetan.[1][besut | besut sumber]
Rujukan[besut | besut sumber]
https://www.haltebus.com/detail114.html
- ↑ "HalteBus | Situs Informasi Bus Indonesia". www.haltebus.com. Dibukak ing 2019-05-21.