Hotel Transylvania

Saka Wikipédia Jawa, bauwarna mardika basa Jawa
Logo filem Hotel Transylvania

Hotel Transylvania iku filem animasi 3D Amérikah taun 2012 ajènre fantasi kemidhi sing digawé Sony Pictures Animation. Fillem iki disutradarani Genndy Tartakovsky, lan diproduseri Michelle Murdocca. Adam Sandler, Andy Samberg, Selena Gomez, Kevin James, Fran Drescher, Steve Buscemi, Molly Shannon, David Spade, lan CeeLo Green dadi para ngisi swarané.[1]

Lakon filemé nyaritaké Count Dracula, baku hotel ajeneng Hotel Transylvania sing dianggo dadi papan ngasoné para raksasa saka omahé manungsa. Dracula ngajak sawenèh raksasa sing kalengka nedyo mèngeti ambal warsa anak wedhoké, Mavis kaping 118. Nalika hotel sing ora tau dijujug manungsa dumadakan dilanja wong lanang umur 21 taun ajeneng Jonathan, Dracula kudu nanggulangi Mavis murih ora kapéncut karo Jonathan sadurungé pengunjung hotel nyonangi ana manungsa ing kastil iku sing bisa ngancam masa depan hotel lan kariré Dracula.

Hotel Transylvania digebyagaké déning Columbia Pictures kala 28 September 2012. Filem iki éntuk panampa kritik sing warna-warni nanging uwong umum nampa kanthi apik. Saboboté panampa sing campur adhuk, Hotel Transylvania ngéntukaké pikolèhan $358 yuta saka rantaman $85 yuta. Filem iki dinominasi dadi Filem Animasi Unggulan ing Golden Globe Award. Filem angka 2, Hotel Transylvania 2, sing latar wektuné pitung taun sawisé filem angka 1, uga wis dibabar[2]  nalika 2015,[3] lan filem angka 3 dijadwalké arep dibabar ing taun 2018.[4] Sèri tivi filem iki dirancang kanggo wiwitan 2017, lan mindeng jaman remajané Mavis lan kanca-kancané ing Hotel Transylvania.

Rujukan[besut | besut sumber]

  1. Vary, Adam B. "Miley Cyrus to voice Adam Sandler's daughter in 'Hotel Transylvania' -- EXCLUSIVE". Entertainment Weekly. Entertainment Weekly. Dibukak ing 2011-04-11.
  2. "'Hotel Transylvania 2′ fun facts". Inquirer.net. September 8, 2015. Dibukak ing September 20, 2015.
  3. Schou, Solvej (November 9, 2012). "Hotel Transylvania 2 scheduled for 2015 release". Entertainment Weekly. Dibukak ing November 22, 2012.
  4. Lesnick, Silas (November 2, 2015). "Hotel Transylvania 3 Opens Its Doors in 2018!". ComingSoon.net. Dibukak ing November 3, 2015.