Hogwarts

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Hogwarts School of Witchcraft and Wizardry utawa kang luwih dikenal mawi jeneng Hogwarts yaiku setting utama ana ing enem buku serial Harry Potter dening J. K. Rowling. Ana ing buku iku, Hogwarts dicritakake salah satunggaling sekolah sihir sing paling apik sakdonya. Saben buku nyritakake setaun ajaran sekolah. Panggonan sekolah iki ana ing Inggris. Sekolah iki duweni fungsi kanggo nglatih bocah-bocah kang umure 11 nganti 18 taun sing duwe kemampuan sihir supaya dadi penyihir kang duwe kwalitas apik. Ana ing buku paling akhir sing judhule Harry Potter and The Deathly Hallows, akeh-akehe settinge ora ing sekolah iki. Sebab ing taun kuwi, karakter utama yaiku Harry Potter, Ron Weasley, lan Hermione Granger ora melu sekolah. Bocah telu iku duwe misi ngumpulake Horcrux-e Lord Voldemort. Pertempuran klimaks nglawan Lord Voldemort lan para pendukunge ana ing sekolah iki.

Pendhiri Hogwarts

Hogwarts didhegake dening petang penyihir kang wasis, yaiku: Godric Gryffindor, Salazar Slytherin, Rowena Ravenclaw, lan Helga Hufflepuff kurang luwih taun 1000 M. Banjur jeneng-jeneng dheweke kabeh didadekake jeneng asrama murid-murid Hogwarts kang duwe kepribadhian sing cocok karo papat penyihir kasebut. Hogwarts duwe semboyan "draco dormiens nunquam titillandus" kang tegese "aja nangekake naga sing turu".

Lokasi lan Informasi[sunting | Sunting sumber]

Panggonane Hogwarts dirahasiakake banget dening donya sihir, khususe marang komunitas Muggle (komunitas non sihir, yaiku wong-wong sing ora duwe kemampuan sihir). Rowling nyatakake yen Hogwarts kuwi manggon ing dhaerah pegunungan lan salah sijine dhaerah terpencil ing Inggris, cedhak karo sawijining desa sing jenenge Hogsmeade.

Hogwarts uga dilindungi kanthi sihir akeh dening saben kepala sekolah kang nembe njabat, nglindungi saka Muggle utawa komunitas penyihir kang duweni niyat ala.

Sumber artikel punika saking kaca situs web: "https://jv.wikipedia.org/w/index.php?title=Hogwarts&oldid=927319"