Hiroshima Peace Memorial

Saka Wikipédia Jawa, bauwarna bébas abasa Jawa
Monumen Perdamaian Hiroshima
Sana Warisan Donya UNESCO
Monumen Perdamaian Hiroshima (Genbaku Dome)
Janeng ing Pratélan Warisan Donya
Jinis Budaya
Wewaton vi
Rujukan 775
Tlatah UNESCO Asia Pasifik
Sujarah prasasti
Prasasti 1996 (Sési ke-18)

Monumen Perdamaian Hiroshima utawi ingkang misuwur minangka Genbaku Dome (原爆ドーム?) (Atomic Bomb Dome) inggih punika minangka bangunan monumen ingkang dumunung ing pusat kutha Hiroshima, Prefektur Hiroshima, Jepang. Monumen ingkang awujud sapérangan gedung ingkang kasisa akibat jeblugan bom atom minangka salah satunggaling Situs Warisan Donya UNESCO wiwit taun 1996. Monumen minangka simbol pangareping umat manungsa saperlu perdamaian ing donya lan ngilangaken senjata nuklir.[1]

Lokasi[besut | besut sumber]

Monumen Perdamaian Hiroshima dumunung ing salabeting Taman Monumen Perdamaian Hiroshima ingkang dumunung ing sisih jembatan Aioi ingkang wujud huruf T.[2] Wonten ing sisih kidul wonten kali Motoyasu, ing sisih lér wonten jalur trem wonten ing kutha Hiroden, stasiun trem ingkang nama Genbaku Dome-mae lan stadion baseball ingkang minangka homebase tim baseball Hiroshima Carp. Sakitar 200 meter ing sisih wétan wonten griya sakit Shima-byōin ingkang minangka hiposenter jeblugan nuklir. [3]

Sajarah[besut | besut sumber]

Bangunan kanthi gaya Arsitektur Barok kacampur kaliyan detail ornamén kanthi gaya obahan seni Art Nouveau Wina (Vienna Secession). Perancang déning arsiték saking Ceko ingkang nama Jan Letzel. Bangunan kanthi tingkat tiga kanthi sapérangan gedung kasungsun saking 5 tingkat lan lanté ngandhap tanah.[4]

Pembangunan pungkasan nalika tanggal 5 April 1915 lan dipunresmikaken minangka Gedung Pameran Produk Industri Prefektur Hiroshima nalika tanggal 5 Agustus taun ingkang sami. Nalika taun 1921, nama gedung digantos dados Gedung Pameran Produk Perdagangan Prefektur Hiroshima. Nalika taun ingkang sami ugi, (1921), gedung dados papan dipunadani Festival Nasional Kue Tradisional lan Permen ingkang kaping 4. Nalika taun 1933 nama gedung digantos malih dados Gedung Promosi Industri Prefektur Hiroshima. Kejawi punika, gedung punika kathah dipunmanfaataken saperlu paméran barang-barang seni saéngga dipunanggep kagungan jasa babagan ndhérék misuwuraken kesenia ing Hiroshima.[5]

Sakitar taun 1944, gedung boten malih dipunanggé minangka papan promosi produk Hiroshima, ananging dipundadosaken gedung Kantor Pekerjaan Umum wewengkon Chugoku lan Shikoku ingkang wonten ing sangandhapipun Kementerian Dalam Negeri lan kantor perusahaan swasta ingkang ébah ing bidhang perkayuan lan kantor administrasi dhaérah.

Akibat jeblugan[besut | besut sumber]

Nalika tanggal 6 Agustus 1945 tabuh 08:15 énjing, bom atom ingkang nama Little Boy njeblug ing angkasa kanthi inggil 580 meter sanginggilipun lemah, ing nginggil lokasi ingkang dumunung sakitar 200 meter sisih tenggara gedung. Sakitar 30 pegawai lan tiyang ingkang wonten ing salebeting gedung sadaya séda. Namung satunggal pegawai ingkang slamet, inggih punika tiyang penjaga malam ingkang kondur ing griya kanthi sepédha sakitar jam 08:00 énjing.[3]

Cathetan suku[besut | besut sumber]

  1. ^ [1]
  2. ^ [2]
  3. ^ a b (en) Galeri foto tentang Hiroshima dulu dan sekarang Cacad sitiran: Invalid <ref> tag; name "internet_3" defined multiple times with different content
  4. ^ [3]
  5. ^ (en) Situs resmi Monumen Perdamaian Hiroshima