Henry Jufri
Henry Jufri yaiku pangembang gim lan aplikasi. Dhèwèké lair ana ing Makasar, 20 September 1982.[1] Sadurunge dadi pangembang gim lan aplikasi dhèwèké dadi tukang ider buku keliling, uga tau dadi TKI lan uga dadi kuli panggul ing pelabuhan, saiki wis akeh karya-karyane seka ngembangake gim lan aplikasi kui mau. Henry Jufri duweni pegawe cacah sanga dumadi saka keluargane dhewe lan kanca-kancane. Panggonan kanggo ngembangake gim lan aplikasi isa diarani prasaja amarga amung 3 meter x 3 meter, kamangka iku manggon ning teras ngarep ruang tamu sing dirobah dadi panggonan kanggo kerja, dhèwèké mapan ana ing Dalan Sabutung Baru, Paotere, Makasar, Sulawesi Selatan. Henry dhewe dadi ketua tim lan uga pangarsa, pambimbing lan uga sing dituake. Henry dhewe sekolah amung tekan kelas 4 SD mula kabèh wiwit dhèwèké lan pegawene iku sinau wiwit nol tegese ora tau utawa urung ngerti bab ngopraseke komputer. Ananging nadyanta Henry anggone sinau seka nol dhèwèké isa entuk penghargaan lan sertifikat amarga prestasine ing bab pangembangan gim lan aplikasi. Dhèwèké uga bisa entuk penghasilan seka keahliane iki yaiku 100 dolar Amerika utawa 100 yuta saben sas KUGONZA HEN RY ne.[2] Ngelingi yen Henry Jufri iku tau muspro anggone nyambut gawe dadi dhèwèké ngerti gim karo aplikasi ora kok dinggo dolanan nanging malah dikembangake kanggo terobosan anyar. Saliyane ngembangake aplikasi sing isa diconto uga ana bab sing uga pantes diconto seka Henry yaiku sanadyan pengahsilan saben wulan iku nganti 100 yuta dhèwèké tetep prasaja lan dhèwèké uga isih gelem nerusna gaweyan sing tau muspro yaiku dadi buruh ana ing pelabuhan Makasar[3]
Gim lan Aplikasi
[besut | besut sumber]taun kang pungkasan iki, ing ruang tamu iku Henry miwiti kegiatan dadi pangembang gim lan aplikasi. Wis maneka warna gim sing tau dinggo karo Henry yaiku Mbedhek Gambar, King Arthur, Unyil The Adventure, lan atusan gim liyane. Dhèwèké uga nggawe aplikasi kanggo Ingsabiyantu bocah-bocah sinau maca, sinau bab kawruh kewan, lan maneka warna ragam aplikasi liyane.
Dhèwèké saiki memba dadi salah sawijining produsen gim lan aplikasi sing produktif. Apa sing dikarepake wis bisa gawe wong-wong gumun. Apa maneh yenta wong-wong ngerti yen dhèwèké iku nempuh pendidikan mung tekan kelas 4 SD. Henry kalebu wong sing mayan pinter cerita nganggo logika sing urut. Iki amarga dhèwèké wis biasa gawe aplikasi nganggo urutan sing rigid. Dhèwèké uga wis bola-bali tampil ning sawernaning media. Wawancara udu salah sawijining bab sing aeng tumrape Henry. Dhèwèké ora wedi ngenei ceramah ana ing forum resmi, dadi jubir ning kampus-kampus.
Kauripan
[besut | besut sumber]Lelabuhane Henry nganti titik iki diwiwiti seka kelas 4 SD, nalik Henry isih cilik kudu mandheg sekolah amarga faktor biyaya lan keluargane. Anak nomer loro seka patang kadang iki mikul bebane kaluarga amarga dadi bocah lanang sing dituake. Dhèwèké akhire milih golek dhuwit nganggo ngewangi pak dhene dodolan buku nyang instansi-instansi pamarentah. Panggaweyan iki dhèwèké lakoni sasuwene limang taun, seka 1994 nganti 1999. Nalika taun 2002, balik menyang Makasar. Ning kampunge, dhèwèké ora duwe apa-apa sing bisa diandelake kanggo golek dhuwit saliyane tenaga. Dhèwèké uga melu dadi kuli panggul ning Pelabuhan Soekarno-Hatta, Makasar sing ora adoh seka omahe. Dhèwèké menyambut gawe saben ndina seka esuk teka sore kepara nganti wengi. Kamangka, asile kerjane ora mesthi. Isa Rp 20.000 sedina, bisa Rp. 100.000 yen pelabuhan lagi rame.
Nganti taun 2012, nalika warnete lagi rame-ramene, Henry gumun ndelok enom-tuwa, nganti bocah-bocah padha kumpul ning warnet cedhak omahe. Dhèwèké akhire mlebu lan nggumun delok canggihe internet, utamane mesin Google. Nalika iku, dhèwèké dadi pengunjung tetep warnet. Nalika bali seka pelabuhan, dhèwèké nglegakake menyang warnet iku. Dhèwèké sinau nganggo komputer lan nlateni fungsine mesin kanggo goleki sawernaning bab. Dhèwèké mulai nyisihake asile kerja kanggo dolan nyang warnet, tuku buku elektronik karo sinau nggawe blog. Ing taun sing padha, dhèwèké wiwit sinau bab jagading gim liwat komunikasi utawa tutorial ning internet. Sabubare iku dhèwèké molai gawe gim nganggo modal laptop kang prasaja. Gim pisanan sing dhèwèké gawe yaiku mbedhek gambar artis ing Android.
Seka gim siji sing wis gagal, dhewke banjur gawe atusan gim lan aplikasi liyane. Seka kui dhèwèké entuk dhuwit, seka Rp 2 yuta, Rp 16 yuta, nganti tau nganti atusan yuta saben pemrograman lan bab-bab liyane sing ana sambung rapete karo jagad digital. Ilmu sing wis disinaoni, dhèwèké ajarke marang cah-cah enom ning sakupengane. Dhèwèké ngaku duwe pepinginan gedhe, yaiku gawe Kampung Digital, ning kono wong-wong sekampung ngerti marang jagad digital, uga isa entuk untung seka kono.
Rujukan
[besut | besut sumber]- ↑ kompas.id (2018-04-26). "Henry Jufri, Balada Si "Kuli" Aplikasi". Kompas.Id (ing basa Indonesia). Diarsip saka sing asli ing 2019-05-15. Dibukak ing 2019-05-15.
- ↑ FaktaNews (2018-09-10). "Mantan Kuli Panggul yang Jadi Spesialis Pembuat Gim dan Aplikasi". Fakta News (ing basa Indonesia). Dibukak ing 2019-05-15.
- ↑ Yunus, Muhammad (2017-01-02). "Penghasilan Rp 100 juta per bulan, Resolusi Henry tetap jadi kuli panggul". Makassar Terkini (ing basa Indonesia). Dibukak ing 2019-05-15.[pranala mati permanèn]