Harmonika

Saka Wikipédia Jawa, bauwarna bébas abasa Jawa
Harmonica
16-hole chrom 10-hole diatonic.jpg
Harmonika kanthi 16 bolongan nada kromatis (dhuwur) lan harmonika kanthi 10 bolongan kanthi nada diatonis
Other instrument
Klasifikasi
Klasifikasi Hornbostel–Sachs 412.132
(Free-reed aerophone)
Digawé Early 19th century

Harmonika iku piranti musik kang anggone nganggo kanthi cara disebul. Piranti iki kagolong piranti musik kang gampang anggone nggunakake. Carane mung disebul lan disedhot wis isa ngasilake suwara kang apik. Harmonika asale saka piranti musik tradhisional Républik Rakyat Cina kang arane Sheng kang wis digunakake kira-kira 5000 taun kepungkur wiwit kekasaran Nyu-kwa.

Harmonika moderen ditemokake nalika taun 1821 déning Christian Friedrich Buschmann. Salah siji instrumen musik sebul kang gampang kang kaperang saka plat-plat geter saka logam kang disusun kanthi horisontal kanthi wujud kurang apik lan mung ana laras sebul kromatis.

Wujud awal saka Buschmann saiki ditiru lan diowahi dadi luwih apik. Salah sijine ya iku harmonika kang digawé déning Richter kang dadi modhel harmonika moderen. Nalika taun 1826 dhèwèké gawé jinis harmonika kanthi 10 bolongan tetep lan 20 plat geter kanthi bedakake plat sebul lan plat sedhot. Banjur laras kang digawé déning Richter iku diarani nada diatonis, nada standar harmonika.

Dol tinuku piranti harmonika diwiwiti taun 1857 nalika ana tukang jam saka Jerman kang jenenge Matthias Hohner dadi tukang gawé harmonika. Ing taun iku dhèwèké kasil gawé 650 harmonika kanthi tetulung saka kulawargane. Hohner banjur ngenalake harmonika ing Amerika Lor nalika taun 1862 pabrike Hohner dadi pabrik nomer siji kang gawé harmonika. Taun 1887 Hohner wis gawé 1 yuta harmonika saben taun. Saiki Hohner wis gawé 90 modhel harmonika kang béda-béda wujud, laras utawa nadane. Harmonika uga isa kanggo iringan musik pop, blues, rock, country, ska lan liya-liyane.


Sumber artikel punika saking kaca situs web: "https://jv.wikipedia.org/w/index.php?title=Harmonika&oldid=1079482"