Grudziądz

Saka Wikipédia Jawa, bauwarna bébas abasa Jawa
Grudziądz
POL Grudziądz COA.svg
Lambang Grudziądz
POL Grudziądz map.svg
Lokasi Grudziądz
Katrangan cekak
Provinsi: provinsi Kuyawia-Pomerania
Jembar: 58,70 km²
Padunung: 99.827 jiwa
Pelat nomer kendaran motor: CG
Alamat
balé kutha:
...
... Grudziądz
Situs wèb resmi:
Pulitik
Walikutha: Robert Malinowski

Grudziądz (Jerman Graudenz) iku kutha ing Polen. Kutha iki sing ndunungi 99.827 jiwa.

Sajarah cekak[besut | besut sumber]

Salah siji gudhang gandum misuwur ing kutha iki

Grudziądz (mbiyèn diarani Graudenc) olèh hak kutha ing taun 1291, lan nggabung karo Konfedherasi Prusia ing taun 1440. Antara taun 1466 lan 1772, kutha iki dadi péranganing Karaton Polen minangka provinsi Prusia Karajan.

Nalika Palihan Nagara Polen ing 1772, kutha iki dicaplok déning Ratu Friedrich II saka Prusia. Ing taun sabanjuré kutha iki dadi péranganing provinsi Prusia Kulon ing Karaton Prusia. Ing basa Jerman kutha iki diarani Graudenz. Ing taun 1871, Graudenz dadi péranganing Kakaisaran Jerman.

Sawisé ana kreteg rèl sepur binangun nyabrang kali Wisla ing 1878, Graudenz dadi sawijinig kutha indhustri sing bisa rikat tumuwuh lan sawijining kutha swapraja (kutha otonom, basa Jerman Kreisstads) ing 1900. Nalika Pemilu Jerman in 1912, 21% saka swara kanggo para kandhidhat parté-parté Polen, kamangka Parté Nasional Liberal Jerman olèh 53%.

Ing tanggal 23 Januari 1920, sawisé 150 taun dadi péranganing Prusia, Graudenz dadi tlatah Républik Polen manèh lan olèh jeneng ing basa Polen: Grudziądz.

Nalika Perang Donya II, Grudziądz dibedhah déning tentara Nazi ing taun 1939 lan diwèhi jeneng Graudenz manèh. Ing taun 1945 kutha iki dibalèkaké marang Polen lan sing ndunungi sing keturunan Jerman utawa migunakaké basa Jerman diusir kabèh.

Padunung ing sajarah[besut | besut sumber]

Perkembangan sing ndunungi sajarah
Grudziądz

1880 17.321
1905 35.958
1980 90.000
1990 102.300
1995 102.900
1999 102.434
2000 100.787
2006 99.578

Putra-putri kutha[besut | besut sumber]