Grozny

Saka Wikipédia Jawa, bauwarna mardika basa Jawa
Jump to navigation Jump to search

Grozny (basa Rusia: Гро́зный; basa Chechen: Соьлж-ГІала Solj Ghaala) ya iku kutha krajan Republik Chechnya ana Rusia. Ing taun 2002, pawongané cacah 210.720 jiwa. Kutha iku ana cedhak kali Sunzha Grozny didhegaké, ing 1818, dadi pos paling ngarep militèr Rusia nganti awal abad 20. Sawisé iku dadi pusat indhustri kondhang uga salah sawijiné pusat prodhuksi lenga nduwèké Uni Soviet kang kapisan. Saliyané aktivitas ngeboraké lenga, Grozny iku uga diliwati karo jejaring pipa lenga Rusia. Grozny dibagi dadi 4 (papat) distrik kaya ta, kutha adminitratif: Leninsky, Zavodskoy, Staropromyslovsky, uga Oktyabrsky. Papat distrik iku papan panggonan, distrik Staropromyslovsky uga dadi papan ngebor lenga, distrik Oktyabrsky ana uga indhustri-indhustri. Nanging, saakèhé wewengkon Grozny wis ambyar ing Perang Chechnya. Sawisé kaajuran Uni Soviet, Grozny dinggoni karo rezim separatis pimpinané Dzhokhar Dudaev uga bali direbut karo bala Rusia ana Perang Chechnya I ing 1995, nanging para gerilyawan kang operasi cedhak pagunungan bisa ndedayakaké uga nurunaké rasa ngertèni dhéwé (demoralise) sawijiné bala Rusia. Penyètan pulitik saka warga maksa bala Rusia metu saka Grozny ing 1996 uga kutha iku bali ana tangan separatis Chechnya. Peperangan kang ana kana njalari akèh yasan-yasan kang ajur uga rusak. Grozny wis bali dadi nduwéké Rusia saka kadadéyané Perang Chechnya II ing 1999. Perwakilan pamaréntah fédheral ana Chechnya pusate ana Grozny. Markas-markas pamaréntah dadi targèt pemboman ing 27 Dhésèmber 2002 karo para pambrontak Chechnya.