Grebeg Gethuk Magelang
Grebeg gethuk inggih menika salah satunggalipun tradhisi ingkang dipuntengga dening masarakat Magelang.[1] Tradhisi menika kangge mengeti Hari Jadi Kota Magelang saben taunipun. Grebeg Gethuk menika ngginakaken kalih gunungan ingkang kadamel saking gethuk. Prosesipun dipunwiwiti saking iring-iringan Walikota Magelang saha para pejabat daerah ingkang nitih kereta kencana. Lajeng kempal manunggal kaliyan masarakat ing satengahing Alun-alun. Prosesi kirab menika saking 17 gunungan palawija saha kreasi seni saking 17 kelurahan ing Kitha Magelang. Gunungan palawija ingkang dipundamel menika minangka simbol persembahan utawi upeti kangge para pimpinan. Kirab menika saking sajawinipun alun-alun dumugi ing satengahing alun-alun.
Sasampunipun kirab kalajengaken upacara ingkang dipunpandegani dening Walikota Magelang. Pasarta upacara menika sedaya masarakat ingkang sampun sami rawuh wonten ing Alun-alun. Upacara sampung rampung kalajengaken pagelaran tari kolosal. Tari kolosal ingkang dipunadani menika ngewrat sejarah saking Kutha Magelang. Ing salebeting tarian nggambaraken kahananipun Kutha Magelang ing jaman rikala. Menika wonten prajurit, para warga, rampok, saha ritual. Salajengipun tarian kolosal rampung, dipunlajengaken prosesi grebeg gethuk ingkang dipunpimpin langsung kaliyan Walikota Magelang.
Piranti
[besut | besut sumber]Grebeg Gethuk menika ngginakaken kalih gunungan ingkang kadamel saking gethuk. Prosesipun dipunwiwiti saking iring-iringan Walikota Magelang saha para pejabat daerah ingkang nitih kereta kencana. Lajeng kempal manunggal kaliyan masarakat ing satengahing Alun-alun. Prosesi kirab menika saking 17 gunungan palawija saha kreasi seni saking 17 kelurahan ing Kitha Magelang
Sejarah
[besut | besut sumber]Tradhisi menika kangge mengeti Hari Jadi Kota Magelang saben taunipun.
Rujukan
[besut | besut sumber]- ↑ Media, Kompas Cyber (2017-04-17). "Prosesi "Grebeg Gethuk", Mengenang Sejarah Kota Magelang". KOMPAS.com (ing basa Indonesia). Dibukak ing 2018-12-21.