Gréja Anga, Gotland

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Gréja Anga saka jaba

Gréja Anga (Swèdhen: Anga kyrka) iku gréja saka abad kaping 13 ing Anga, Pulo Gotland, Swèdhen. Gréja iki salah sawijining gréja Romanesque sing isih lestari ing Gotland.

Gréja iki darbèné Gréja Swèdhen lan ana ing laladané Kabiskopan Agung Visby.


Sujarah lan arsitèktur[besut | besut sumber]

Gréja Anga njupuk jenengé saka jenenging patanèn sing saiki wis oara ana, nanging kasebut ing sawijining prasasti mawa aksara Rune ing pungkasané abad kaping 11. Gréja kapisan katoné dibangun minangka gréja patanènan gedhé. Nalika dianakaké èkskavasi arkéologi gedhèn-gedhèn ing taun 1946-1947, wong nemokaké turahan kayu sing diobong, lan iki nandhakaké menawa gréja kapisan bisa waé gréja cagak.[1]

Arsitèktur Romanesque gréja iki sing isih katon, dibangun nalika abad kaping 13.[2] Berkat invèstigasi dendrokronologi dhetail-dhetail kayu sing isih ana, gréja iki bisa lumayan presis diukur kapan olèhé dibangun. Kur lan apsis dibangun sakiwa-tengené taun 1215, lan iki dadi bagéan lawas dhéwé gréja. Panti umaté dibangun sakiwa-tengené taun 1250 lan menarané saka taun 1265.[1]

Gréja iki salah sawijiné gréja Romanesque ing Gotland sing kalestarèkaké lan mènèhi kesan apik, kepriyé akèhé gréja ing pulo iki jaman biyèn rupané. Interior gréja iki ndarbèni rerengga méwah awujud lukisan témbok. Lukisan témbok iki asalé saka rong jaman, sing tuwa dhéwé saka pungkasané abad kaping 13. Akèhé lukisan témbok iki namung rerengga waé, lan ora lumrah déné kabèh ditapakastani déning juru lukisé, sing jenengé Halvard. Saka jaman sing isih padha ana prasasti ing aksara Rune ing basa Gotland Kuna, sing nyritakaké jenengé para tani paroki iki, sing nyumbangaké sapi lanang lan kerja sadina kanggo mbangun gréja. Iki nuduhaké menawa pambangunan gréja iku pamarsudi masarakat. Sasèt lukisan témbok sing digawé ing jaman luwih anyar lan nuduhaké Kasangsaran Kristus lan sawetara legèndha santo lan santa, digawé ing tengahé abad kaping 15.[1][2]

Gréja iki biyèn uga nyimpen sawetara patung kayu abad tengahan, sapérangan gedhé saiki disimpen ing Museum Gotland ing Visby. Nanging ing gréja isih ana rerengga altar, saka dasawarsa 1370-an, lan salib kamenangan saka abad kaping 15.[1] Ing kana uga ana kijing watu ing papan kur saka abad kaping 13, mawa prasasti aksara Rune.[2]

Gréja iki jaman saiki kalebu Gréja Swèdhen lan dunungé ana ing Kabiskopan Visby.[3]

Gladri[besut | besut sumber]

Jero[besut | besut sumber]

Interior[besut | besut sumber]

Lukisan témbok[besut | besut sumber]

Jaba[besut | besut sumber]

Réferensi[besut | besut sumber]

  1. a b c d Andrén, Anders (2011). Det Medeltida Gotland. En arkeologisk guidebok (ing basa Swedish). Lund: Historiska Media. pp. 187–188. ISBN 978-91-85873-83-8.CS1 dandani: Basa ora kaweruhan (link)
  2. a b c Lagerlöf, Erland (1973). Lagerlöf, Erland (ed.). Gotlands kyrkor (ing basa Swedish). Uddevalla: Rabén & Sjögren. pp. 92–95. ISBN 9129410355.CS1 dandani: Basa ora kaweruhan (link)
  3. "Våra kyrkor" (ing basa Swedish). Diocese of Visby (Church of Sweden). Dibukak ing 11 August 2020.CS1 dandani: Basa ora kaweruhan (link)

Wewacan sabanjuré[besut | besut sumber]

  • Roosval, Johnny; Lagerlöf, Erland (1959). Anga kyrka (PDF) (Ringkesan basa Inggris). Sveriges kyrkor, konsthistoriskt inventarium (ing basa Swèdhen). IV, 4. Stockholm: Generalstabens Litografiska Anstalts Förlag. pp. 530–592. ISSN 0284-1894.CS1 dandani: Basa ora kaweruhan (link)

Pranala njaba[besut | besut sumber]