Golekan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Golekan Teddy Bear

Golèkan utawa bonéka asalé saka basa Portugis saka tembung boneca.[1] Bonéka yaiku dolanan kang bentuké werna-werna kayata arupa wong utawa kéwan lan tokoh-tokoh fiksi.[1] Golékan kalebu dolanan kang paling tuwa. Awit nalika jaman Yunani, Romawi utawa Mesir kuno, golèkan wis ana.[1] Jaman saiki bentuk, bahan lan warnané bonéka wis warna-warna.[1] Semana uga ukurané, ana sing gedhé ana sing cilik.[1]

Padatan golékan digawé kanggo dolanan bocah cilik, nanging kadangkala uga digunakaké kanggo ritual kang ana gandhèng cènènge karo alam utawa kang asipat gaib utawa klenik, kayata upacara-upacara keagamaan ing jaman dhisik, dolanan jelangkung, sihir utawa upacara kanggo ngundang roh. Golèkan asring ditemokaké ing kuburan-kuburan kuno utawa situs sajarah utawa prasajarah.

Perkembangan Golèkan[sunting | sunting sumber]

Jaman 3000-2000 SM[sunting | sunting sumber]

Ing jaman iki, padatan golèkan kagawe saka lempung, utawa kayu kang wis tinugel, utawa potongan kain. Wujudé mung prasaja lan nduwèni fungsi ritual. Tuladhané ing Yunani lan Romawi Kuno, saben bocah wadon kudu nduwé golekan, banjur nggawèkaké klambiné, lan wajib disimpen nganti tekan arep rabi. Nalika arep rabi, golèkan iku kudu disèlèhaké ing altar Artémis (kanggo wong Yunani) utawa altar Diana (kanggo wong Romawi) kanggo upacara keagamaan. Ing Mesir Kuno, golèkan digunakaé minangka gantiné kurban manungsa.

Jaman 600 SM[sunting | sunting sumber]

Ing jaman iki mulai ana golèkan kang klambiné bisa diganti, lan sikil sarta tangan bisa diobahaké. Fungsi golèkan isih padha karo jaman sadurungé, yaiku kanggo upacara ritual. Golèkan mujudaké gambaran humanis.

Jaman Abad kaping-5[sunting | sunting sumber]

Iki abad pertengahan. Bahan golèkan wiwit ana sing saka kayu. Fungsi ritual golèkan isih ana ing jaman iki. Kaya ing Mèksiko, golèkan akèh kang awujud kaluwarga suci lan digunakaké kanggo perayaan Natal. Ing suku Indian Hopi, golèkan dadi bagèyan ing upacara kesuburan (njaluk supaya diwènèhi kesuburan utawa kemakmuran).

Jaman kaping-14[sunting | sunting sumber]

Golèkan modern mulain ana ing Eropah. Wujude ing béda banget karo golèkan kang sadurungé. Raine ayu lan alus kaya manungsa, sarta duwé dhadha. Ing jaman iki golèkan wis ora asipat ritual, nanging mode. Mula iku, golèkan nganggo klambi utawa gaun lan [rambut]] kang mirip karo mode jaman iku. Akèh para bangsawan kang nganggo golèkan kanggo mamèraké lan misuwuraké golèkan ing negarané (maklum ing jaman iku majalah mode durung ana). Iki kaya kang dilakoni ratu Prancis, Isabeau saka Bavaria ing sangarepé ratu Inggris. Kasunyatané, mode Prancis bisa luwih misuwur ing manca negara amarga ananing golèkan.

Jaman kaping-15[sunting | sunting sumber]

Yèn sadurungé golèkan digawé kanggo awaké dhéwé, wiwit jaman iki dikomersialakaké. Fungsiné owah saka ritual lan mode dadi dolanan. Kacathet ing sajarah, sing nggawé golèkan kanthi komersial kang pisanan ana ing Jerman. Kutha-kutha kang nggawé golèkan yaiku Nuremberg, Augsburg, lan Sonneberg. Bebarengan iku, serikat pekerja sing nggawé golèkan kabentuk mula ana aturan standar nggawé lan ngadol golèkan. Wujud golèkan kang digawé ing Jerman nalika iku padatan awujud wong wadon Jerman. Bahane saka kayu, lempung, lan potongan kain.

Barbie[sunting | sunting sumber]

Salah siji bentuk golékan yaiku golékan barbie.[2] Golékan barbie iki bentuké wong wedok ayu kang nduwé sikil dawa.[2] Barbie mulai ana wiwit taun 1945 saka kuluwarga kang seneng marang golékan.[2] Kuluwarga iki éntuk inspirasi saka anak wedoké kang seneng dolanan golékan saka kertas.[2] Ibuné kang jenenge Ruth Handler nduwéni rasa welas asih marang anaké kang jenenge Barbara Handler kang kerep sedih nalika bonéka kang digawé saka kertas mau suwék.[2] Mulané ibuné nggawékaké dolanan anyar kanggo anaké supaya awet yen dianggo dolanan.[2]

Ibuné banjur nggawé golékan kanthi rupa bocah wedok kang ayu.[2] Golékan iki nduwé rambut pirang lan mripat kang wernané biru. Déné sikil lan lengene dawa saéngga boneka mau ketok singset lan ayu.[2] Bentuk awaké golékan Barbie dipercaya dadi bentuk awak wong wedok kang ideal kanthi ukuran miniatur.[2] Mulané akéh modhél-modhél kang kepéngin nduwé awak kang singset kaya Barbie.[2] Barbie mulai digawé taun 1945.[2] Kang nggawé Barbie yaiku pabrik golékan kang dipimpin kluargané Handler kang arané Mattel Toy Company ing Amerika Serikat. Golékan iki diwénéhi jeneng jumbuh karo jenengé bocah wadon ing keluarga Handler yaiku Barbara.[2] Mung jeneng mburiné kang diowahi dadi Barbara Milicent Robert kang biyasané diarani Barbie.[2]


Cathetan suku[sunting | sunting sumber]

  1. ^ a b c d e (id)lintasberita.com(dipunundhuh tanggal 4 Juni 2011)
  2. ^ a b c d e f g h i j k l m (id)detikkaskus.com(dipunundhuh tanggal 4 Juni 2011)
Sumber artikel punika saking kaca situs web: "http://jv.wikipedia.org/w/index.php?title=Golekan&oldid=830203"