George M. Foster

Saka Wikipédia Jawa, bauwarna mardika basa Jawa

George M. Foster ya iku ahli antropologi saka Dakota kidul, Amérikah Sarékat, kalairan 09 Oktober 1913[1]. George naté olèh pandhidhikan pawiyatan luhur ana ing Northwestern University (BA) taun 1935 lan ing University of California Berkeley (Ph.D.) taun 1941[2][3]. Dhéwéké naté nglakoni panlitian lapangan ing California (India Yuki) taun 1937. Uga ing Veracruz (1940), Tzintzuntzan Méksiko (1944), Spanyol (1949), lan Zambia (1962). George wis nulis werna-werna karya akademis kaya déné Empire’s Children: The People of Tzintzuntzan (1984), Culture and Conquest: Americas Spanish Heritage (1960), Tzintzuntzan: Mexican Peasants in a Changing World (1967), lan Applied Anthropology (1969)[1]. George iki duwé pisumbangan kang lumayan akéh ing bab antropologi[1]. Salah sijiné ya iku dhèwèké ngembangaké sub-disiplin antropologi terapan. Uga dhèwèké ngembangaké sub-disiplin antropologi kedhokteran lan kajian petani[1].

Rujukan[besut | besut sumber]

  1. a b c d Amit, Vered (2004). Biographical dictionary of social and cultural anthropology. London: Routledge. kc. 237. ISBN 020364459X. OCLC 436848672.
  2. "05.26.2006 - George M. Foster, noted anthropologist, dies". www.berkeley.edu. Dibukak ing 2018-01-09.
  3. "05.26.2006 - George M. Foster, noted anthropologist, dies". www.berkeley.edu. Dibukak ing 2018-01-09.