Gagaran bab leléwaning basa

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Gagaran bab leléwaning basa (cara Inggris: style guide utawa manual of style) iku kumpulaning aturan baku kanggo nulis lan ngrancang dhokumèn, mbuh kanggo prakara umum utawa kanggo publikasi, organisasi, utawa prakara mirunggan. (Sebutan liyané ya iku style sheet, sanajan tegesé séjé.)

Gagaran iki ngukuhaké lan nata bab leléwaning basa supaya bisa nglancaraké sesambungan sarana tulisan. Supaya bisa nggayuh kekarepan mau, gagaran iki nandhesaké bab pangajeg (konsistènsi) ing njeroné dhokumèn lan ngatur bab praktèk becik dhéwé (best practice) ing panganggoné basa lan ing panganggiting basa, komposisi visual, ortografi, lan tipografi. Tumrap ing dhokumèn akadhemis lan tèknis, gagaran mangkéné uga nata bab praktèk apik dhéwé ing babagan ètik (kaya ta bab kapanulisan, ètik riset, lan pambadhar (disclosure)), pédhagogi (kaya ta èksposisi lan kakaruhan (clarity)), lan panglaras (tèknk lan pranatan).

Gagaran bab leléwaning basa wis kalumrah kanggo ing prakara-prakara umum lan mirunggan, kanggo ing wong-wong sing maca lan nulis, lan kanggo ing mahasiswa lan nimpuna saka manéka warna dhisiplin akadhemik, kadhokteran, jurnalistik, ukum, pamaréntahan, bisnis, lan indhustri tinamtu.