Frank McNamara

Saka Wikipédia Jawa, bauwarna mardika basa Jawa
Logo Diners Club

Frank McNamara ya iku penggagas kertu kredhit.[1] Sawijing dina, ya iku taun 19489, sawijining pengusaha asal New York kang sugih, lagi mangan ing wayah wengi karo bojone.[1] Sawisé bubur mangan, dhèwèké bingug amarga lali gawa dompet.[1] Tujune, bojone gawa dhuwit kang cukup.[1] Kedadeyan mau, gawé McNamara mikir kepriye carané gawé kertu kredit.[1]

Nalika taun 1950, McNamara bekerjasama karo sawijining pengusaha kang jenenge Ralp Schneider saperlu nerbitake kertu kredit kang wiwitan.[2] Kertu iki diarani Diners Club.[2] Kertu iki minangka kertu kredit wiwitan kang dianggep sah kang digunakaké minangka piranti pembayaran.[2] Nanging, kertu iki mung bisa kango bayar mangan, ora kanggo blanja.[2] Nalika wiwitan, Diners Club duwé 200 nasabah lan ditampa ing 27 warung mangan.[2] Ing taun candhaké, cacahé nasabah wis ngancik rong puluh èwu wong kang dadi nasabahe.[2] Diners Club ora mung ana ing New York, nanging uga nganti tekan kutha-kutha liyané ing Amérikah Sarékat, kaya ta Miami, Chicago, Boston, Los Angeles, lan San Fransisco.[2] Taun 1952, Diners Club nyebar tekan rong atus nagara ing dunya.[2] Taun 1973. Diners Club lumebu ana ing Indonesia. Saiki kertu kredit sansaya ngrembaka.[2] Jinis lan pemanfatane uga warna-warna, ing anatarane ya iku Diners Club, American Express, Discover, MasterCard, Visa, lan BCA Card.

Cathetan suku[besut | besut sumber]

  1. a b c d e [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 96]
  2. a b c d e f g h i [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 97]