Ema (Shinto)

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
papan nggantung ema

Ema (絵馬?) inggih punika plakat ingkang asalipun saking kayu kanthi gambar jaran ingkang dipunsembahaken wonten ing kuil Shinto lan ugi kuil Buda ing Jepang minangka wujud panyuwun, janji, sarta raos panuwun. Para rawuh ing kuil nyerat panyuwunipun utai donga ing papan ema, lajeng ema mau dipungandhulaken ing papan mirunggan kanggé nggandhulaken ema sareng kaliyan ema saking para rawuh sanèsipun.

Ukuran saking ema punika bènten-bènten gumantung saking kawontenan béaya tiyang ingkang badhé paring sesembahan. Ema ingkang kanthi ukuran ageng lajeng dipunparingi bingkai lan dipunlukis déning pelukis ingkang sampun profésional. Lukisan ingkang wonten ing ema mawi ukuran ingkang alit dipungambar déning pelukis ingkang boten kondhang utawi saged ugi dipunlukis piyambak déning tiyang ingkang gadhah kekajengan damel persembahan ing kuil Shinto lan ugi kuil Buda ing Jepang. Ema mawi ukuran alit mau minangka persembahan individu utawi piyambakan ingkang mundhut saking lokèt ingkang nyadé barang-barang wonten ing kuil. Panyuwunan utawi donga sarta nama ingkang nyerat ing ruang ingkang kosong ingkang wonten ing sisihipun gambar jaran. Kajawi punika saged ugi dipunserat wonten ing sisih wingking gambar jaran mau. Ema kanthi ukuran ageng kalebet ing sesembahan kolektif lan dipundamel langkung rumiyin sadèrèngipun dipunbeta dhateng kui. Padatanipun ema ingkang mawi ukuran alit punika awujud segi gangsal (segi lima) [1] (punika wujud griya sarta atapipun).

Sajarah[besut | besut sumber]

Lukisan jaran ingkang wonten ing plakat ema punika asalipun saking kapitadosan tiyang ing jaman kuna. Kapitadosan punika babagan jaran bilih jaran punika kéwan tungganganipun para Kami. Salajengipun tiyang Jepang paring sesembahan kéwan jaran ingkang taksih urip dhateng kuil Shinto minangka péranganing doa lan panyuwunan. Reginipun jaran punika saged awis utawi larang sanget saéngga sesembahan kanthi wujud jaran ingkang asli punika dipun-gantos dados patung jaran. Salangipun dipun-gantos malih dados lukisan gambar jaran ingkang dipunlukis wonten ing sanginggiling papan saking kayu.

Tradisi paring sesembahan awujud ema punika sampun wonten nalika jaman Nara dhedhasar artefak ingkang dipunpanggihakn wonten ing Situs Arkéologi Iba (Hamamatsu) lan ugi Hieda (Yamatokōriyama).[2] Ing wiwitanipun sadaya ema punika mawi gambar jaran, nanging lajeng wonten ema ingkang mawi gambar kéwan sanèsipun ingkang sampun wiwit dipunsadé nalika ing jaman Muromachi. Ukuran papan ema ugi sansaya tambah ageng. Déné, ema ingkang mawi ukuran alit ugi dados kondhang awit saking prabawa tradisi kuna ingkang nggandhulaken simbol-simbol ingkang wonten gegayutanipun kaliyan agami ing Jepang. Tradisi nggandhulaken ema mawi ukura alit pungkasan dipunlajengaken turun termurun dumugi ing jaman sapunika.

Réferènsi[besut | besut sumber]

  1. Jepang, (dipunakses tanggal 24 Fèbruari 2013)
  2. Hiroshi Iwai. "Ema". Encyclopedia of Shinto. 


Pranala njawi[besut | besut sumber]

Médhia magepokan Ema ing Wikimedia Commons


Cithakan:Shinto-stub