Donatello

Saka Wikipédia Jawa, bauwarna mardika basa Jawa
Jump to navigation Jump to search
David karyané Donatello
 Niccolò da Uzzano, sawijining politician

Donatello (Donato di Niccolò di Betto Bardi, watara taun 1386 – 13 Dhésèmber 1466) iku sawijining juru reca saka Italia ing jaman Renaisans. Dhèwèké manggon ana Firenze. Dhèwèké nggarap watu, prunggu, kayu, lempung, malam, lan setuko,[1] sarta dhèwèké uga duwé sawenèh réwang. Vasari mratélaké yèn Donatello iku duwé reputasi sing apik banget minangka seniman.[2] Dhèwèké makarya ana ing Roma, Sienna lan Padua, uga Firenze, sarta uga makarya tumrap Gréja, tumrap Cosimo de' Medici, sarta tumrap pamaréntah kutha liyané sing manéka warna.

Dhèwèké iku anak lanangé Niccolo di Betto Bardi, lan lair ana ing Firenze. Jenengé ibuné ora ana sing ngerti. Nalika Donatello ngancik umur diwasa, dhèwèké sinau marang Filippo Brunelleschi sang arsitek. Dhèwèké uga mbiyantu juru reca Lorenzo Ghiberti saperlu nggawé reca kanggo Battistero di San Giovanni.

Karya-karyané Donatello iku éntuk inspirasiné saka reca-reca kuna. Dhèwèké minangka juru reca sing kawitan muja raganing manungsa, sawijining pamikiran sing uwis mati sawisé jaman Yunani Kuna lan Roman. Reca Dawud sing sagedhé awak asliné dadi karyané sing paling kawentar.[3] Reca Daud iki minangka reca kawitan sing ngadeg nglegena sing tau digarap kawit purwakala. Akèh-akèhé karyané iku ditontonaké ana ing gréja-gréja agung. antaraning taun 1415 lan 1426, dhèwèké nggawé reca cacah lima kanggo Katedral Firenze, sing uga diarani Duomo.

Donatello iku minangka sawijining realis, ya iku seniman sing karya recané nggambaraké citrané manungsa kaya kasunyatan. Naturalisme lan ngungkabaké prasané manungsa iku minangka pangaruhé dhèwèké.[4]

Rujukan[besut | besut sumber]

  1. stucco is a kind of plaster often used for sculpture on buildings
  2. Vasari, Giorgio [1556] 1996.
  3. Schneider, Laurie 1973.
  4. Janson H.W. 1957 The sculpture of Donatello.