Dhaur Nitrogén

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Cycle azote fr.svg

Dhaur nitrogén iku kalebu ing dhaur biogéokimia kang isiné prosés didhauré gas nitrogén. [1]Kabéh organisme iku butuh nitrogén kanggo mbentuk protéin lan molekul-molekul organik ésensial liyané. [1] Unsur nitrogén sebagéyan gendhéné iku ana ing atmosfér iku rupané gas nitrogén lan kadharé 78% saka kabéh gas ing atmosfér. [1] Gas nitrogén iki ana ing atmosférmlebu ing jero lemah léwat fiksasi nitrogén déning baktéri (Rhizobium, Azotobactér, Clostridium), alga biru (Ananbaéna, Nostoc) lan jamur(Mycorhiza) nitrogén kang mlebu ing jero lemah léwat fiksasi diowah dadi amonia déning baktéri amonia. [1] Prosès ngurékna nitrogén iki dadi amonia kasebut amonifikasi. [1] Nitrogén kang mlebu ing lemah bareng karo kilat lan banyu udan kang rupané ésih ion nitrat (NO3-), lan nitrogén kang ana ing tanduran lan kéwan léwat prosés mineralisasi déning baktéri pengurai dadi amonia. [1] Amonia kang dikasilna ing prosès amonifikasi lan mineralisasi déning baktèri nitrit (nitrosomonas lan nitrosococcus) diowahi dadi ion nitrit (NO2-).[1] Ion nitrit banjur diowahi déning baktéri nitrat (nitrobactér) dadi ion nitrat (NO3-).[1] Prosès ngowahi amonia dadi ion nitrit, ion nitrit dadi ion nitrat kasebut nitrifikasi. [1] Tanduran umumé nyerot nitrogén ing rupa ion nitrat, lan kéwan umumé njupuk nitrogén ing rupa senyawa organik (protéin) kang ana ing tanduran lan kéwan kang dipangan. [1] Sebagéyan ion nitrat diowahi déning baktéri denitrifikasi (Thiobaccillus denitrificans, Pseudomonas denitrificans) dadi nitrogén. [2] Nitrogén kang dikasilna bakal balik manèh ing atmosfér. Prosès ngurèkna ion nitrat dadi nitrogén iku kasebut dénitrifikasi. [2]

Cathetan Suku[sunting | sunting sumber]

  1. ^ a b c d e f g h i j (id)(Anshori, Moch. , Martono, D.(2009)."Biologi 1 untuk Sekolah Menengah Atas (SMA) – Madrasah Aliah(MA) Kelas X (BSE)".Jakarta:Pusat Perbukuan, Depdiknas. Hal.218)
  2. ^ a b (id)(Anshori, Moch. , Martono, D.(2009)."Biologi 1 untuk Sekolah Menengah Atas (SMA) – Madrasah Aliah(MA) Kelas X (BSE)".Jakarta:Pusat Perbukuan, Depdiknas. Hal.219)
Sumber artikel punika saking kaca situs web: "http://jv.wikipedia.org/w/index.php?title=Dhaur_Nitrogén&oldid=832038"