Danurfan
[1]Danurfan[2] (32) lair ing Bireuen tanggal 25 Sèptèmber 1986. Danurfan ya iku pengusaha Kopi Leuser ana ing Banda Acèh. Dhèwèké gawé jeneng kedai Kopi Leuser ora namung kanggo numpang aji mumpung saka gedhèné Kawasan Ekosistem Leuser. Nanging, usahané iku dadi gerakan konservasi kang dibungkus usaha kopi. Liwat usaha donasi kopi, dhèwèké nyengkuyung konservasi lan perlindhungan kewan-kewan alas kang langka lan dilindhungi
Kauripan
[besut | besut sumber]Kasenengané Danurfan karo Leuser thukul awit dhèwèké kerja ana ing organisasi nirlaba bidang lingkungan limang taun kepungkur. Salah siji program kang dikembangaké ya iku mènèhi pamdampingan marang para juru tani kanggo mbudidaya kopi kang berbasis argoforesti. nanhur kopi kang nyawiji karo wit-witan liyané kaanggep èfèktif kanggo ningkataké kualias wiji kopi lan uga kanggo njaga kaseimbangan alam. Nanging, proyek iku ora lumaku suwé. Telung taun sakwisé iku, proyék iku rampung, amarga lembaga nirlaba kasebut ngrampungi program kerjané ing Aceh. Sanadyan wis ora kerja ing lembaga nirlaba iku, Danurfan taksih tetep seneng marang kagiatan iku. Mula dhèwèké duwé kekarepan kanggo nerusaké dhèwèk program iku kanthi cara ngolah bubuk lan wiji kopi. Danurfan banjur gawé kedai Kopi Leuser kanthi memitran karo juru tani kang taksih butuh bimbingan saka Danurfan.
Usaha
[besut | besut sumber]Miturut Danurfan, kopi ora namung babagan éksplorasi rasa, ngracik lan nyedhuh kopi. Ananging kopi duwé prospék ékonomi kang gedhé lan nggiuraké. Wiji kopi bisa uga didol awujud wiji kopi lan uga didol ing warung-warung. Danurfan bisa kasil nalika ngembangake usaha kopine barang disengkuyung juru tani, sarta duwé tekad lan usaha kang gedhe.
Konservasi kang diterapaké Danurfan iku ora tanpa sebab. Danurfan wareg marang drama kepriyé alam dirajang wong-wong kang ora tanggug jawab. Perambahan kayu ilégal, pamburuan kéwan langka, pambukaan lahan kanthi ora mandheng pakem lan norma alam.Iku kabèh gawé Danurfan kesuh lan bingung kepriyé carane supaya kadadéan iku ora terus-terusan ana ing alas Aceh. Kabingungan iku dadi tekad kang kuat kanggo nglawan éksploitasi alam kanthi cara ngolah kopi. Dhèwèké paham lan ngerti, menawi Gusti ora namung maringi rejeki lan kaberkahan menawi alam becik lan dikelola déning para juru tani kanthi becik uga. Juru tani kang becik, saged ngasilké wiji kopi ingkang becik uga. Wiji kopi kang duwé kualitas mesthi dadi incerané pambeli.
Danurfan, memitran karo juru tani. Kasil kopi saka juru tani dituku kanggo rega prémium. Contoné, nalika rega kopi ing pasaran wiji kopi arabika Rp70.000,- per kilo, Danurfan wani mbayar Rp80.000,-. Sing Rp10.000,- iku mau kanggo insèntif lan penghargaan kanggo juru tani kang wis mbudidayakaké kopi organik. Kéjaba iku, sebagèan dhuwit mau dimanfaataké kanggo mbina para juru tani supaya luwih pinter anggone ngolah kopi sakwisé panén. Usahané mbina para juru tani ngasilaké manèka werna jenis kopi spésial, yaiku kopi madu, bourbon, nganthi kopi kang aroma anggur alias winéy. Kasil kopiné bisa dinikmati kanggo kabèh kalangan. Kedai Kopi Leuser mapan ana ing dalan Panglima Nyak Makam, Ulee Kareng, Banda Aceh.
Pesen Lestari
[besut | besut sumber]Ana ing saben bungkus kopiné, Danurfan ménéhi pesen kampanye kang isiné babagan usaha konservasi lingkungan Leuser, Aceh. Kejaba iku, Danurfan uga ménéhi gambar 4 satwa éndemik ana ing ngarep bungkus kopiné, ya iku gajah sumatera, lutung, macan sumatera, lan badak sumatera. Iku mau duwé tujuan kanggo ngampanyekaké konservasi ing Kawasan Ekosistem Leuser, Aceh.
Danurfan njelasaké kepriyé carané yén masyarakat kepéngin kontribusi ing pelestarian alam iku mau, yaiku kasil kopi saben sakbungkus disimpen Rp2.500,- ana ing kas kusus. Tabungan asil donasi iku mau dimanfaataké kanggo nanem wit ing Kawasan Ekosistem Leuser. Nandhur wité iku manéka warna, ana ing sebagèan sekolah lan kampus kanggo nuwuhaké kasadaran anak kanggo ngrumat lan njaga lingkungan. Tabungan saka asil donasi iku uga dinggo kanggo nanem atusan wit lemon kanggo nyegah longsor. Atusan wit lèmon iku ditandhur ana ing kawasan Leuser wilayah Aceh Wètan lan ing daerah miliné kali Peusangan, Kabupatén Bireuen. Kawasan iku kepungkur dadi kawasan kang rawan konflik antarané manungsa lan gajah. Nanging sakwisé kawasan iku ditandhuri wit lèmon, ora mung bisa kanggo nyegah longsor. Ananging uga kanggo ngurangi konflik antarané gajah lan manungsa jalaran gajah ora seneng marang wit lèmon. Danurfan uga mèlu mbiayai perawatan anak gajah kang jenengé Amirah.
Rujukan
[besut | besut sumber]- ↑ Abonita, Rino (2018-11-11). "Dia yang Melawan dengan Kopi". Liputan 6.
- ↑ a b Irma Tambunan, Zulkarnaini (2018-09-22). "Danurfan Menggerakkan Konservasi Berbungkus di Leuser". Kompas.