Cultuurstelsel
Cultuurstelsel (kanthi kurang pas diterjemaaké dadi ‘Tanam Paksa’) iku aturan kang dianakaké déning Gubernur Jenderal Johannes van den Bosch kang majibaké saben désa nyisaaké sabagéan lemahé (20%) kanggo ditanduri tuwuhan dagang mligi kopi, tebu lan tom (nila). Asil tuwuhan iki bakal dituku déning pamaréntah kolonial kanthi rega kang wis ditemtokaké lan asil panèn dipasrahaké marang pamaréntah kolonial. Warga désa kang ora nduwé lemah kudu kerja 75 dina sajeroning sataun (20%) ing kebon-kebon duwèké pamaréntah.