Katarina saking Alexandria
| Santa Katarina saking Alexandria | |
|---|---|
 Santa Katarina déning Francesco da Cotignola, dipundamel watawis taun 1500-1530 | |
| Miyos | watawis 282, Alexandria, Mesir[1] |
| Tilar donya | watawis 307, Alexandria, Mesir[2] |
| Dipun urmati ing | Gréja Katulik Roma Gréja Ortodoks Wétan Gréja Anglikan Gréja Lutheran |
| Dinten pèngetan | 25 November 24 November |
 Portal Santo
| |
Katarina saking Alexandria punika satunggiling santa ingkang dipunanggep minangka pangreksa Univèrsitas Sorbonne, para filsuf, pustakawan, lan kenya-kenya ingkang kepéngin palakrami.[3] Boten wonten data historis ingkang cetha prakawis Katarina, nanging namung wonten cariyos ingkang mèmper legendha kémawon prakawis piyambakipun.[3][4] Senadyan mekaten, cariyos kagesangan Katarina dados inspirasi kanggé para santa sanèsipun, kados déné Katarina saking Siena, Katarina saking Swèdhen, Katarina Laboure, lan sanès-sanèsipun.[3]
Cariyos Katarina ingkang mèmper legendha dipunwiwiti nalika Katarina badhé palakrami lan pados satunggiling calon garwa.[3] Piyambakipun gadhah tékad kanggé palakrami kaliyan satunggiling priya ingkang langkung pinter, langkung sugih, lan langkung kawasa katimbang piyambakipun.[3] Punika awrat, awit Katarina punika satunggiling putri bangsawan ingkang sugih lan pinter.[3] Ing satunggiling dinten, piyambakipun késah manggihi satunggiling rahib ingkang wicaksana lan nyuwun pitedahipun.[3] Rahib punika lajeng cariyos prakawis Yésus minangka satunggiling priya ingkang ngluwihi sadaya kritéria Katarina.[3] Pungkasanipun, Katarina gadhah komitmen kanggé ngabdi dhumateng Yésus lan dados Kristen.[3] Komitmen Katarina minangka satunggiling Kristen kiyat sanget, saéngga panjenenganipun naté dhebat kaliyan 50 filsuf lan menangaken padhebatan wau.[3][3] Ing pungkasan kagesanganipun, Katarina tilar donya minangka martir amargi njaga iman dhumateng Yésus.[3][4]
Réferènsi
[besut | besut sumber]- ↑ Self-Ruled Antiochian Orthodox Christian Archdiocese of North America. Accessed 30 December 2006.
- ↑ See her Patron Saints Index profile
- ↑ a b c d e f g h i j k l A. Heuken. 1985. Ensiklopedi Orang Kudus. Jakarta: Yayasan Cipta Loka Caraka. Hal. 177-178.
- ↑ a b David Farmer. 1997. The Oxford Dictionary of Saints . New York: Oxford University Press. P. 91-92.
| Artikel iki minangka artikel rintisan. Kowé bisa ngéwangi Wikipédia ngembangaké. |