Catherine Helen Berndt
Catherine Helen Berndt ya iku ahli antropologi wanita saka Auckland, Niu Sélan kalahiran 8 Mei 1918[1][2][3]. Pendhidhikan sarjana Berndt iku diwiwiti kuliah sarjana (BA) ing Universitas New Zealand (1939). Berndt olèh sertifikat kaahlian antropologi saka universitas mau taun 1940. Sabanjuré Berndt kuliah diploma antropologi ing Universitas Sydney taun 1943, pasca sarjana (MA) ing Universitas Sydney taun 1949, lan doktor (Ph.D) ing London School of Economics (1955)[1]. Akéh panlitian antropologiné Berndt ing wewengkon bebrayan Aborigin Ostrali kayadéné Kainantu, Ooldea, Birrundudu, lan uga ing Papua Nugini (1951-1953)[1]. Karya-karya tulisané Berndt kang wis diterbitké iku antarané A Preliminary Report on Fieldwork in the Ooldea Region, Western South Australia, (1945), Womens Changing Ceremonies in Northern Australia (1950), The World of the First Australians (1964), lan A World That Was: The Yaraldi of the Murray River and The Lakes, South Australia (1993)[1]. Bendt duwé akéh pisumbangan kang akéh ing kawruh bebrayan Aborigin Ostrali minangka kariré sajroning enem dékade. Berndt olèh pangaji the Percy Smith Medal saka University of Otago amarga karir akademik lan piwulangé. Berndt séda ing 12 Mei 1994 ing papan Ostrali Kulon[1][2].
Rujukan[besut | besut sumber]
- ↑ a b c d e Amit, Vered (2004). Biographical Dictionary of Social and Cultural Anthropology. London: Routledge. kc. 68. ISBN 020364459X. OCLC 436848672.
- ↑ a b "Berndt, Catherine (1918 - 1994)". The Encyclopedia of Women and Leadership in Twentieth Century Australia. Dibukak ing 2017-12-04.
- ↑ "Berndt, Catherine H. (Catherine Helen) (1918-1994)". National Libary of Australia. Dibukak ing 2017-12-04.