Brexit

Saka Wikipédia Jawa, bauwarna bébas abasa Jawa
Artikel iki perkara wetuné Karajan Manunggal Britania Agung lan Irlandia Lor saka Uni Éropah, kanggo panrapan liya, wacanen: Brexit (disambiguasi)
Dunungé Britania Raya sajeroning Uni Éropah

Brexit iku tembung cekakan ing basa Inggris saka Britain lan exit lan tegesé wetuné Karajan Manunggal Britania Raya lan Irlandia Lor saka Uni Éropah. Ing tanggal 23 Juni 2016, pamaréntah Britania sing dipimpin déning David Cameron nganakaké Réferèndum ngenani Britania olèhé dadi anggota Uni Éropah (2016). Isi réferèndum iki pitakonan utawa Britania iku kudu metu saka Uni Éropah utawa ora. Péhak Brexit menang.

Latar wuri[besut | besut sumber]

Britania Raya iku wis dadi anggota Uni Éropah wiwit taun 1973, sing nalika iku jenengé isih Komunitas Ékonomi Éropah. Nanging olèhé dadi anggota iki ngundang kontrovèrsi saka rakyaté. Mula ing taun 1975 dianakaké réferèndum. Réferèndum iki dimenangaké déning péhak sing sarujuk panggah nggabung.[1]

Manuju menyang Brexit[besut | besut sumber]

Sawisé pamilihan House of Commons in taun 2015, Perdana Menteri Britania, David Cameron njanjèni bakal nganakaké réferèndum sing mangiket ngenani kaanggotan Britania sajeroning Uni Éropah. Perkara iki kanggo netepi janjiné nalika kampanye kanggo Parténé, ya iku Parté Konservatif. Rencanané iki dicanangké nalika pidhato Queen's Speech surya 27 Mèi 2015, ya iku supaya réferèndum iki dianakaké sadurungé pungkasaning taun 2017.[2]

Polling lan jajak panemu sing dianakaké wiwit taun 2010 nuduhaké manawa Rakyat Britania panemuné binagi ngenani perkara ini. Ing sasi November 2012, mayoritas iku nyengkuyung metu, kamangka ing sas Juni 2015 mayoritas nyengkuyung panggah dadi anggota UE.[3][4] Sawijining jajak panemu sing gedhé dhéwé tau dianakaké ing Britania ngenani perkara iki (20.000 ing Maret 2014), mènèhi kasil manawa 41% rèspondèn nyengkuyung metu, 41% nyengkuyung tetep dadi anggota lan 18% ora nduwé panemu.[5] Nanging, manawa Britania Raya bisa négosiasi pasaratan sing luwih apik, punjul 50% bakal nyengkuyung panggah dadi anggota Uni Éropah.[6]

Réferènsi[besut | besut sumber]

Uga delengen[besut | besut sumber]