Black River

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Kali Ireng utawa Black River iku sawijining distrik ing Mauritius pérangan kulon. Papan panggonan wigati kalebu Grojogan Tamarin lan Chamarel coloured Earth. Kutha krajané ya iku Bambous. Kutha krajan sadurungé ya iku Tamarin. Distrik Black River iki minangka distrik kang nomer telu gedhé dhéwé ing tlatah Mauritius, nanging paling sithik sing ndunungi. Ing tlatah iki ndarbèni akèh alas tropis kang unik, kalebu kang tinemu ing Black River Gorge. Sajeroning mangsa anyep, wong-wong kéné padha ajag menjangan ing alas.

Jeneng Black River dijupuk saka kanyatan yèn tlatah mau distrik kang paling garing ing Pulo Mauritius, amarga udané kang arang banget yèn dibandhingaké karo tlatah liyané.

Bab iki malah didadèkaké kauntungan: Sawetara désa warigaluh diowahi dadi panggonan turis. Umpamané, Flic en Flac, Tamarin lan Le Morne.

Tamarin iku panggonan siji-sijiné kang nduwé peluang kanggo ulah raga surfing sajeroning sasi Juli lan Agustus.

Flic-en-Flac iku wujud pasisir paling dawa ing pulo iku lan uga kang paling éndah, mligi sesawangan rikala srengéngé angslup. Le Morne dadi misuwur amarga anané gunung kang wektu jaman kolonial didadèkaké panggonan ndhelik para batur tukon, lan uga panggonan nglalu yèn arep kacekel. Lagi diupayakaké déning panguwasa lokal supaya Le Morne bisa mlebu pratélan warisan cagar budaya donya, kaya kang wis kasil ya iku tlatah Aapravasi Ghat.

Angin kang sumilir kanthi konstan ndadèkaké Le Morne misuwur dadi panggonan kanggo manjer layangan lan ulah raga surfing angin.

Pranala njaba[besut | besut sumber]

Lor: Samudra Hindia Lor-wétan: Port Louis
Kulon: Samudra Hindia Black River Wétan: Plaines Wilhems
Kidul: Samudra Hindia Kidul-wétan: Savanne


 
Distrik lan dependensi ing Mauritius
Flag of Mauritius
Distrik
Black River | Flacq | Grand Port | Moka | Pamplemousses | Plaines Wilhems | Port Louis | Rivière du Rempart | Savanne
Dependensi
Agalega Islands | Cargados Carajos Shoals | Rodrigues