Björn Kuipers

Saka Wikipédia Jawa, bauwarna bébas abasa Jawa
Jump to navigation Jump to search
Björn Kuipers

Björn Kuipers (Pocapan ing basa Walanda: [ˈbjʏrn ˈkœypərs]; lair tanggal 28 Maret 1973 ing Oldenzaal, Overijssel) iku sawijining wasit bal-balan Walanda. Dhêwêké iku wasit ing liga utama Walanda: Eredivisie.

Saliyané iku Kuipers ya dadi wasit internasional. Dhèwèké tau dadi wasit ing tetandhingan final Piala Éropah Sangisoré 17 taun ing 2006[1] lan tetandhingan ing UEFA Cup, UEFA Europa League[2], UEFA Champions League[3], lan UEFA European Football Championship. Kuipers iku ana ing Daptar A (tabèl unggul) wasit-wasité saka asosiasi bal-balan Walanda KNVB.[4] Bapakné Kuiper iku uga wasit.

Ing tanggal 14 Januari 2009, Jaap Uilenberg ketua staff tèknis KNVB ndhedhesi manawa Kuipers wis dipromosèkaké menyang pangkat kelas paling dhuwur ing Éropah. Dadi bebarengan karo Pieter Vink lan Eric Braamhaar, Kuipers iku salah sawijiné wasit Walanda sing aktif ing tingkat paling dhuwur Éropah.[5] Kuipers mèlu kadaftar minangka wasit FIFA wiwit taun 2006.[6]

Nalika ing UEFA Euro 2012, Kuipers iku diwènèhi tugas kanggo ngwasiti tetandhingan ing Grup D antara Prancis lan Ukraina. Nalika iku dhèwèké njupuk kaputusan langka kanggo megat tetandhingan iki kanggo 55 menit amarga kahadhang udan deres lan petir.[7][8]

Dhèwèké naté kuliah Administrasi Bisnis ing Universitas Radboud Nijmegen lan saliyané dadi wasit, Kuipers uga nyambut gawé minangka mitra pamilik supermarket C1000 telu lan salon siji ing Oldenzaal.

Catheten sikil[besut | besut sumber]