Beslan

Saka Wikipédia Jawa, bauwarna bébas abasa Jawa
Péta Ossetia Lèr

Beslan (basa Rusia: Бесла́н) punika satunggiling kitha alit ing Ossetia Lèr ing Rusia. Kitha puniki arèupi pusat pamaréntahan Distrik Pravoberezhny. Dipundegaken nalika taun 1847 déning golongan pandugi saking tlatah sanès ing Ossetia, pedunungipun nalika taun 2002 gunggungipun 33.600 jiwa, saéngga Beslan arupi kitha paling ageng angka tiga ing Ossetia Lèr sasampunipun Vladikavkaz lan Mozdok. Beslan mapan watawis 15 km ing sisih lèr Vladikavkaz, ing 43°12′ LU 44°34′ BT.

Nalika tanggal 1 September 2004, Sekolah Menengah nomer satunggal ing Beslan dipunrebat satunggiling golongan bersenjata. Prastiwa puniki rampung tanggal 3 September sasampunipun silih témbak antawisipun para militan kaliyan wadyabala kaamanan Rusia ingkang njalari 344 warga sipil tilar donya.

Nami kitha[besut | besut sumber]

Sadèrèngènipun naminipun Beslan, kitha puniki naté dipuntepangi kanthi sapérangan nami sanèsipun:

  • 1847-Beslanykau ("pedunungan Beslan"), Tulatovo utawi Tulatovskoye.
  • 1941-Iriston (Ossetia)
  • 1950-Beslan (nami sapuniki)