Bernard Sellato

Bernard Sellato
Lair	1951
Ètnis	Prancis
Alma mater	M.Sc. in Geology (Nancy) Ph.D. in Anthropology (Paris) =
Pagawéyan	antropolog
Penghargaan	Jeanne Cuisinier Book Prize (1989) European Multimedia Award (1998) Borneo Research Council Medal (2004)
Catatan kaki nguwaosi basa Prancis, Inggris, Indonésia, Spanyol

Bernard Sellato ingkang miyos nalika taun 1951 nyandang gelar master géologi saking ENSG (École Nationale Supérieure de Géologie) wonten ing Nancy (Prancis) lan gelar dhoktor antropologi saking EHESS (École des Hautes Études en Sciences Sociales) ing Paris, Prancis. Piyambakipun dumunung kanthi dangu wonten ing Kalimantan saperlu nelaah sajarah, basa, lan kabudayan.

Sasampunipun kunjungan ingkang kapisanan dhateng Borneo wonten ing taun 1973-1975, sadanguning pinten - pinten taun Sellato njajahi kanthi sampan lan mlampah sinambi nliti basa lan antropologi ing antawising masarakat alas apngembara lan tani tebas lan bakar ing alas Pegunungan Muller lan ing sapérangan ing laladan Kalimantan. Piyambakipun dipunadopsi déning satunggaling kulawarga Aoheng lan dipunsukani jejuluk Suling Dirung.

Wonten ing taun 1988, Bernard Sellato dipundhawuhi déning satunggaling parusahan lenga, Elf Aquitaine, kanggé nyerat buku seni (coffee-table art book) babagan Bornéo, ingkang nelasaken wekdal satunggal taun kanggé panalitènipun lan panulisan – kasilipun inggih punika buku dwibasa kanthi gambar “Hornbill and Dragon” ingkang terbit taun 1989, ingkang édisi kaping kalih terbit nalika taun 1992. Buku kasil èdisinipun ingkang paling ènggal, “Plaited Arts from the Borneo Rainforest”, kanthi sponsor Total E&P Indonésie, dipunterbitaken wonten ing taun 2012.

Kajawi nyerat piyambak 6 buku, Sellato ugi dados èditor lan ko-èditor enem buku malih lan nyumbangaken sajumlah artikel babagan Borneo kanggé sapérangan buku lan jurnal. Piyambakipun inggih punika mantan direktur Institut Riset Asia Tenggara /the Institute for Research on Southeast Asia, (CNRS lan Universite de Provence) ing Marseilles, Prancis lan dados panyunting jurnal dwibasa "Moussons: Social Science Research on Southeast Asia" saking taun 1999 dumugi 2008.

Sellato inggih punika satunggaling ahli ingkang dipunhurmati wonten ing bidangipun – miturut review déning Simon Strickland babagan Innermost Borneo: Studies in Dayak cultures (2002) wonten the Journal of the Royal Anthropological Institute, panalitèn Sellato maringi sumbangan ingkang wigati sanget babagan suku pangembara Borneo, éwadéné étnografi lan sejarahipun awrat sanget. Wonten ing taun 2004, Bernard Sellato pikantuk anugerah the Borneo Research Council Medal anggé sumbanganipun ingkang wigati sanget kanggé panalitèn babagan masarakat lan kabudayan Borneo sadanguning 30 taun.

Karya-Karya Pilihan

• Sellato, Bernard (1989). Nomades et sédentarisation à Bornéo. Histoire économique et sociale. Paris: Editions de l’EHESS. ISBN 271320917X.
• Sellato, Bernard (1989). Naga Dan Burung Enggang. Hornbill and Dragon. Kalimantan, Sarawak, Sabah, Brunei. Jakarta: Elf Aquitaine. ISBN 9789798112003.
• Sellato, Bernard (1992). Hornbill and Dragon. Arts and Culture of Borneo. Singapore: ESun Tree. ISBN 9810027133.
• Sellato, Bernard (1994). Nomads of the Borneo Rainforest. Honolulu: University of Hawaii Press. ISBN 9780585249926.
• Sellato, Bernard (2001). Forest, resources and people in Bulungan: Elements for a history of settlement, trade, and social dynamics in Borneo, 1880-2000. Bogor (Indonésia): CIFOR (Center for International Forestry Research). ISBN 9798764765.
• Sellato, Bernard (2002). Innermost Borneo. Singapore: Singapore University Press. ISBN 2914936028.
• Eghenter, Cristina; Sellato, Bernard; Devung, G. Simon, èd. (2003). Social Science Research and Conservation Management in the Interior of Borneo. Bogor (Indonésia): CIFOR (Center for International Forestry Research). ISBN 9793361026.
• Le Roux, P.; Sellato, B.; Ivanoff, J., èd. (2004 and 2008). Poids et mesures en Asie du Sud-Est. Systèmes métrologiques et sociétés. Weights and Measures in Southeast Asia. Metrological Systems and Societies. CNRS-IRSEA (Marseilles) and EFEO (Paris). ISBN 9782855396460. {{cite book}}: Check date values in: |year= (pitulung)
• Le Roux, P.; Sellato, B., èd. (2004 and 2008). Les Messagers divins. Aspects esthétiques et symboliques des oiseaux en Asie du Sud-Est. Divine Messengers. Bird Aesthetics and Symbolism in Southeast Asia. Paris: SevenOrients & Connaissances et Savoirs. ISBN 2753900590. {{cite book}}: Check date values in: |year= (pitulung)
• Sercombe, Peter; Sellato, Bernard, èd. (2007). Beyond the Green Myth: Hunter-Gatherers of Borneo in the Twenty-First Century. Copenhagen: NIAS (Nordic Institute of Asian Studies) Press. ISBN 9788791114847.
• Sellato, Bernard, èd. (2012). Plaited Arts from the Borneo Rainforest. Lontar Foundation (Jakarta) and NUS Press (Singapore). ISBN 9786029144048.

Pranala njaba

• "Sellato Bernard" (ing basa Inggris). Centre Asie du Sud-Est. Diarsip saka sing asli ing 2013-01-06. Dibukak ing 20 Maret 2013.
• "Moussons" (ing basa Inggris). Dibukak ing 20 Maret 2013.
• "EHESS" (ing basa Prancis). Dibukak ing 20 Maret 2013.
• "ENSG" (ing basa Prancis). Diarsip saka sing asli ing 2000-09-16. Dibukak ing 20 Maret 20132. {{cite web}}: Check date values in: |accessdate= (pitulung)
• "University of Hawai'i Press" (ing basa Inggris). Dibukak ing 20 Maret 2013.
• "NIAS Press" (ing basa Inggris). Dibukak ing 20 Maret 2013.
• "NUS Press" (ing basa Inggris). Dibukak ing 20 Maret 2013.
• "The Lontar Foundation" (ing basa Inggris). Dibukak ing 20 Maret 2013.
• "CIFOR" (ing basa Inggris). Dibukak ing 20 Maret 2013.
• "EFEO" (ing basa Prancis). Dibukak ing 20 Maret 2013.