Bagus Nirwanto
Bagus Nirwanto (lair ing Sidoarjo, Jawa Wétan, tanggal 23 Maret 1993; umur 26 tahun) uga dipunkenal kanthi sebutan Bagus Munyeng, menika pemain bal-balan saking Indonésia ingkang mbela PSS Sleman wonten ing Shoope Liga 1. Ing liga kasebut, Munyeng kadhapuk dados pemain mburi utawi bèk.
Bagus Nirwanto dianggep duwé kabisan kang mumpuni neng posisi bèk lan duwé reputasi nalika ngrebut bal seka lawan. Nalika nyerang, pemain iki uga duwé kemampuan crossing utawa umpan lambung sing apik utawa kurang luwih ngepenakaké kancané anggoné nggawé gol. Bagus Nirwanto uga duwé peran ganda/dhobel ya iku ndhukung serangan saka pinggir. Dhèwèké uga dadi wong sapisanan kang menèhi pressing karo pemain lawan nalika serangan kang digawé PSS Sléman ora bisa nembus nggoné lawan utawa direbut karo pemain musuh. Pemain iki uga dadi salah siji bèk PSS Sléman sing dimainké 90 menit neng ngisor komandoné pelatih Seto Nurdiyantara. Bagus Nirwanto iki pemain kang sarwa bisa, saliyané dadi bèk tengen, Bagus Nirwanto uga bisa neng posisi bèk kiwa nalika pelatih mbutuhaké. [1]
Bèk (pemain mburi)[besut | besut sumber]
Nalika dadi pemain bèk, Bagus Nirwanto uga nyianoni lan ngerti apa waé fungsi saka bèk, posisi bèk utawa defender yaiku salah siji posisi sing paling penting neng bal-balan. Posisi pemain bèk ana neng pérangan mburi saéngga njalari kondisi aman apa orané gawang kang dijaga kiper. Kanggo nemtokaké posisi bèk ora sembarangan dipilih, biyasané pelatih milih pemain kang duwé awak gedhé lan dhuwur kang biasané nganggo posisi iki. Bèk uga dibagi werna-werna, ya iku bèk tengah, bèk sayap, lan sweeper. [2]
- Bèk tengah ya iku posisi pemain sing ana neng bèk tengah yaiku ing tengah lapangan. Gunané bèk tengah ya iku siyaga ing pérangan mburi bagian tengah. Pemain bèk tengah biyasané njaga bareng karo kiper. Pemain bèk tengah kudu duwé skill utawa kabisan kang cukup apik, dhèwéké mesthi ngadhepi musuh kang arep nendang bal langsung neng arah gawang.
- Bèk sayap dumadi saka wong loro, ya iku bèk sayap kiwa lan bèk sayap tengen. Posisi bèk iki ana neng sisih kiwa lan tengen lapangan. Fungsi saka bèk sayap iki ya iku kanggo ngamanaké bal kang ngglundhung ing pinggir lapangan. Fungsi liya seka bèk sayap ya iku, kanggo mènèhi umpan kanggo pemain tengah utawa pemain ngarep/penyerang supaya bisa nerusaké tendangan neng gawang musuh.
- Sweeper ya iku pemain kang duwèni tugas kanggo ngresiki pérangan ing ngarep gawang saka ancaman musuh. Posisi sweeper ana ing ngarep gawang utawa ngarep kiper saéngga dhèwèké luwih akèh obah dibandhingaké karo pemain bèk liyané. Dhèwèké kudu nutup apa waé kang njalari tim musuh gawé gol ing gawange dhéwe.
Karier proposional[besut | besut sumber]
Bagus Nirwanto miwiti karier dadi pemain bal proporsional nalika dhèwéké gabung Gresik United taun 2013, wektu kuwi dhèwèké durung apik kaya saiki nganti dhèwéké pindhah neng Deltras wulan Januari taun 2014, banjur dhèwéké direkrut karo Pusamania Borneo Fc setaun sawisé main neng Jawa Wétan.
Taun 2016 dhèwéké napak asmani kontrak karo PSCS Cilacap. Ing taun kuwi dhèwéké dadi bèk kang angèl ditembus lan ngeteraké PSCS Cilacap juara ISC B ngalahké PSS Sléman ning partai final sing dianakaké neng Stadion Gelora Bumi Kartini, Jepara, Jawa Tengah.
Taun 2017, Borneo kepincut karo kabisané Bagus Nirwanto banjur dhèwéké ngontrak pemain sing posisiné bèk tengen iki. Ora suwe ing Bornéo, Bagus Nirwanto Banjur dikontrak karo PSS Sléman kanthi status pinjaman lan opsi permanèn nalika pemain iki main apik. Buktiné, taun 2018 Bagus Nirwanto ngeteraké tim sing duwé julukan Super Elang Jawa jawara Liga 2 Nasional ngalahaké Semen Padang FC ning Stadion Pakansari, Bogor. [3]
Lelampahan karir[besut | besut sumber]
- Deltras Sidoarjo (2013)
- Gresik United (2013)
- Deltras Sidoarjo (2014)
- Pusamania Borneo FC (2015)
- PSCS Cilacap (2016)
- Pusamana Boreno FC (2017)
- PSS Sleman (2017-saiki)
Pribadhi[besut | besut sumber]
Bagus Nirwanto rabi karo Lilik Khalimatus Sya’diyah lan duwé anak lanang kang dijenengi Muhammad Kenzie Nirwanto. Anaké isih umur 2 taun, nanging saben Bagus Nirwanto main ing 'kandhang' utawa neng Stadion Maguwoharjo, Lilik karo anaké mesthi ndukung langsung kanthi teka ing stadhion. Bagus Nirwanto nyurahaké wektu lodhangé kanggo kulawarga lan kagiyatan amal.
Rujukan[besut | besut sumber]
- ↑ Permana Putra, Eka (2017-07-07). "Menelisik Kiprah Apik Bagus "Munyeng" Nirwanto". Dibukak ing 2019-10-28.
- ↑ anaeci, anaeci (2019-05-27). "Pentingnya Fungsi Back Dalam Sepak Bola Sebagai Penentu Kemenangan Tim". Dibukak ing 2019-11-05.
- ↑ Al Arif, Awaludin (2018-04-11). "Bagus Nirwanto, Pulang Karena Rindu". Dibukak ing 2019-11-06.